कोणत्याही परिस्थितीला तोंड देण्यास भारत समर्थ – डॉ. हर्षवर्धन

हर्षवर्धन यांनी पुढे सांगितले की, इतर विकसित देशांमध्ये जशी परिस्थिती आहे, तशी अत्यंत गंभीर परिस्थिती आपल्याकडे होण्याची शक्यता आम्हाला वाटत नाही. पण तरी देखील कोणत्याही गंभीर परिस्थितीला तोंड देण्याच्या दृष्टीने आमची पूर्ण तयारी झालेली आहे. जगभरात थैमान घालणाऱ्या जीवघेण्या कोरोनाचा प्रादुर्भाव देशात दिवसेंदिवस वाढत आहे. मागील चोवीस तासांत देशभरात ३३२० नवे पॉझिटिव्ह रुग्ण आढळले आहेत. तर कोरोनाने ९५ जणांचा बळी घेतला आहे. देशभरातील कोरोनाग्रस्तांचा आकडा आता ५९ हजार ६६२ वर पोहचला आहे. ज्यामध्ये सध्या उपचार सुरू असलेले ३९ हजार ८३४ रुग्ण, उपचारानंतर रुग्णालयातून सुट्टी देण्यात आलेले १७ हजार ८४७ जण व आतापर्यंत मृत्यू झालेल्या १९८१ जणांचा समावेश आहे.