कोरोना व्हायरसपासून मुंबईला वाचविण्यासाठी डॉक्टर आणि पोलीस प्रशासन दिवस-रात्र काम करत आहेत. मुंबई पोलिस सोशल मीडियाच्या माध्यमातून देखील लोकांना घरातच राहण्याचे आवाहन करत आहेत. मुंबई पोलिसांनी शेअर केलेला असाच एक व्हिडीओ सोशल मीडियावर व्हायरल होत असून, या व्हिडीओनंतर अभिनेता अजय देवगणने देखील स्वतः खाकी परिधान करून मुंबई पोलिसांसोबत उभे राहून कोरोनावर मात करण्यासाठी पुढे येणार असल्याचे म्हटले आहे.
Feel that the lockdown is just too long?
Guess what we would’ve done had we been home?#MumbaiFirst#TakingOnCorona pic.twitter.com/Ec80R6Cm1U
— Mumbai Police (@MumbaiPolice) April 8, 2020
8 एप्रिलला मुंबई पोलिसांनी आपल्या ट्विटर हँडलवरून एक व्हिडीओ शेअर केला होता. या व्हिडीओमध्ये पोलीस कर्मचारी जर ते 21 दिवस घरात असते, तर त्यांनी काय केले असते ? या प्रश्नाचे उत्तर देत आहेत. या प्रश्नावर अनेक पोलीस कर्मचाऱ्यांनी सांगितले की, त्यांनी 21 दिवस कुटुंबासोबत वेळ घालवला असता. काहींनी सांगितले, पुस्तके वाचली असती, चित्रपट पाहिले असते, मुलांबरोबर खेळलो असतो.
#TakingOnCorona @MumbaiPolice https://t.co/VcL51e6MWQ
— Ajay Devgn (@ajaydevgn) April 8, 2020
मुंबई पोलिसांच्या कामाचे कौतूक करत अजय देवगणने देखील हा व्हिडीओ रिट्विट करत लिहिले की, मुंबई पोलीस कोरोना व्हायरसोबत युद्ध लढत आहेत.
Dear ‘Singham’,
Just doing what ‘Khakee’ is supposed to do to ensure that things return to how they were – ‘Once upon a time in Mumbai’! #TakingOnCorona https://t.co/iZzJNK6mPs— Mumbai Police (@MumbaiPolice) April 8, 2020
यावर मुंबई पोलिसांनी देखील अजय देवगणला मजेशीर उत्तर देत लिहिले की, डिअर सिंघम, आम्ही केवळ तेच करत आहोत, ज्याची खाकीकडून अपेक्षा केली जाते. जेणेकरून पुन्हा गोष्टी सामान्य व्हाव्यात – वन्स अपॉन अ टाईम इन मुंबई.
Dear Mumbai Police, you are known as one of the BEST in the world. Your contribution to the COVID-19 pandemic is unparalleled. Singham will wear his Khakee and stand beside you whenever you ask. Jai Hind, Jai Maharashtra 🙏@CPMumbaiPolice @MumbaiPolice
— Ajay Devgn (@ajaydevgn) April 9, 2020
यावर अजय देवगणने केलेले ट्विट सर्वांनाच भावले. त्याने लिहिले की, डिअर मुंबई पोलीस, तुम्ही जगात सर्वोत्तम म्हणून ओळखले जाता. कोव्हिड-19 शी लढण्यासाठी तुमची कामगिरी कौतुकास्पद आहे. तुम्ही जेव्हा म्हणाल तेव्हा सिंघम देखील खाकीमध्ये तुमच्यासोबत उभा असेल. जय हिंद, जय महाराष्ट्र.
सोशल मीडियावर मुंबई पोलीस आणि अजय देवगण यांचा हा संवाद चांगलाच व्हायरल होत आहे.