दमदार बॅटरीसह ‘इनफिनिक्स हॉट 9’ स्मार्टफोन लाँच

स्मार्टफोन कंपनी इनफिनिक्सने आपला स्वस्तातला बजेट स्मार्टफोन लाँच केला आहे. कंपनीने हाँगकाँगमध्ये इनफिनिक्स हॉट 9 हा स्मार्टफोन लाँच केला आहे. फोनची खास गोष्ट म्हणजे यात ट्रिपल रिअर कॅमेरा आणि दमदार बॅटरी मिळेल.

इनफिनिक्स हॉट 9 स्मार्टफोन 6.6 इंचाचा आयपीसी एलसीडी डिस्प्ले देण्यात आलेला आहे. फोनमध्ये हेलिओ A25 1.8GHz ऑक्टा-कोर प्रोसेसर मिळेल. यात हेलिओ पी35 प्रोसेसर मिळण्याची देखील शक्यता आहे. फोनमध्ये फेस अनलॉक, एआर इमोजी, एआर स्टिकरसारखे फीचर देण्यात आलेले आहेत. ड्युअल सिम सपोर्ट असणाऱ्या या फोनमध्ये 4जीबी रॅम + 128 जीबी स्टोरेज मिळेल.

फोन XOS 6.0 वर बेस्ड अँड्राईड 10 वर चालतो. फोनच्या डाव्या कॉर्नरला सेल्फीसाठी 8 मेगापिक्सल कॅमेरा देण्यात आलेला आहे. या फोनमध्ये रेअरला 16 मेगापिक्सलचा प्रायमेरी सेंसर कॅमेरा, तसेच 2-2 मेगापिक्सलचे मॅक्रो लेंस आणि लो लाइट सेंसर कॅमेरा मिळेल. फोनमध्ये 5000mAh ची दमदार बॅटरी देण्यात आलेली आहे, जी 10W फास्ट चार्जिंग सपोर्ट करते.

Image Credited – Gizmochina

फोनच्या किंमतीबद्दल सांगायचे तर, इंडोनेशियामध्ये या फोनची किंमत 1,699,000 इंडोनेशिया रुपिआ (जवळपास 8 हजार रुपये) आहे. या फोनला भारतात व इतर बाजारामध्ये कधी लाँच केले जाईल, याची अधिकृत माहिती अद्याप देण्यात आलेली नाही.

Leave a Comment