पुणे -आज छत्रपती शिवाजी महाराजांची जन्मभूमी असलेल्या किल्ले शिवनेरीवर शिवजन्मोत्सव साजरा होत आहे. राज्यभरातून असंख्य शिवभक्त यासाठी ढोल-ताशांच्या वाद्याच्या गजरात मशाल पेटवत शिवनेरी गडावर दाखल झाले आहेत. किल्ल्यावर होणाऱ्या उत्सवाला मुख्यमंत्री उद्धव ठाकरे व कॅबिनेट मंत्री छगन भुजबळ हेही उपस्थित राहणार आहेत.
प्रशासनाच्यावतीने जयंती उत्सव साजरा होत असताना, चोख पोलीस बंदोबस्त ठेवण्यात आलेला आहे. शिवभक्त या परिसरात मोठ्या संख्येने उपस्थित होत असून, ढोल-ताशांच्या गजरात व तुतारीच्या निनादात शिवगर्जना दिली जात आहे. प्रशासन व शिवभक्त शिवनेरी गडावर साजरा होणारा शिवजन्मोत्सव उत्साहात साजरा करण्यासाठी एकत्र येऊन नियोजन करत आहेत.