चालू संसदेत खासदाराने गर्लफ्रेंडला केले प्रपोज

रोम – संसद अधिवेशनात सुरू असलेल्या चर्चेदरम्यान इटालियन खासदार फ्लेव्हिओ डी मुरो यांनी गुरुवारी प्रेक्षकांच्या दालनात बसलेल्या प्रेयसी एलिसा डी लियो हिला प्रपोज केला. सध्या सोशल मीडियात त्याचा व्हिडिओ व्हायरल होत आहे. खासदार फ्लेव्हिओ यांनी संसदेत प्रपोज करण्याबाबत सांगितले की, आपली प्रेयसी आपल्या राजकीय कारकिर्दीत आपल्या पाठीशी ठाम उभी होती. ती आपल्यासाठी ‘वैयक्तिक आणि राजकीय दागिणा आहे. चर्चेदरम्यान असे करणे चुकीचे असल्याचे वक्त्याने सांगितले, तर मैत्रिणीने खासदाराचा प्रपोज मान्य केले.

फ्लेव्हिओ आणि एलिसा इटलीच्या व्हेंटीमिग्लियामध्ये 6 वर्षांपासून एकत्र राहत आहेत. गेल्या वर्षी मार्चमध्ये खालच्या सदनाच्या निवडणुकीत खासदार म्हणून फ्लेव्हिओ विजयी झाले होते. सभागृहाचे अध्यक्ष रॉबर्टो फिको म्हणाले, श्रीमान, खासदार, तुमच्या या कृत्यामुळे मी थोडासे प्रभावित झालो आहे, मी तुम्हाला समजतो, परंतु कृती दरम्यान मी आपल्या हस्तक्षेपाचा विचार करू शकत नाही.