फार कमी लोकांना माहीत असतील बदाम खाण्याचे हे अनोखे फायदे


हिवाळा अवघ्या काही दिवसांवर येऊन ठेपला आहे. पौष्टिक पदार्थ थंडीत खाण्यावर भर दिला जातो. त्यातही आरोग्य चांगले थंडीत राखण्यासाठी बदाम खाण्याचा सल्ला दिला जातो. पण दररोज किमान दोन बदाम वर्षाच्या 12 ही महिने खाणे हे शरीरासाठी अत्यंत फायदेशीर असते. शरीर आणि मन बदामामुळे निरोगी राहते. म्हणूनच बदामाला सुक्या मेव्याचा राजा म्हटले जाते. बदाम हे कडू आणि गोड अशा दोन प्रकारचे असतात, हे फार कमी लोकांना माहीत आहे. त्यातील गोड बदाम हे खाल्ले जातात. लोह, तांबे, फॉस्फरस आणि अनेक जीवनसत्त्व बदामात असतात. याशिवायही बदामाचे अनेक फायदे आहेत.

उत्साह बदाम खाल्ल्याने वाढतो. मेंदू, मज्जातंतू, हाडे, हृदय आणि यकृत यांचे कार्य सुरळीत चालते. हाडे मजबूत होतात. बदाम खाल्ल्याने अशक्तपणा कमी होतो. जुनाट मलावरोधावर बदाम सारक आहे. झोपताना बदाम खाल्ल्यास सकाळी पोट साफ होते. बदामाचे दूध सर्वात पौष्टिक मानले जाते. ते पचायलाही हलके असते.

बदाम सौंदर्यवर्धक असून चेहऱ्याला बदामाची पेस्ट, दुधाची साय आणि गुलाबाच्या पाकळ्या एकत्र करून लावले तर चेहरा तेजस्वी आणि त्वचा मुलायम होते. बदामाचे तेल आणि एक चमचा आवळ्याचा रस केसांच्या मुळाशी लावल्यास केस गळणे कमी होते. केसात कोंडा झाला असेल तर हे तेल उपयोगी पडते. बदामाची पूड पाण्यात घालून घेतली तर कफापासून आराम मिळतो. घसा खवखवत असेल तर बदामाची पूड फायदेशीर असते. बदाम पाण्यात भिजत घालूनच खावेत. शक्यतो सकाळी बदाम खाल्ले तर आरोग्याला गुणकारी असतात.

Disclaimer: आरोग्य विषयक लेखात दिली गेलेली माहिती प्राथमिक स्वरुपाची आहे. हि माहिती वैद्यकीय सल्ल्याचा पर्याय होऊ शकत नाही  या माहितीचा उपयोग करण्यापूर्वी आपण डॉक्टर अथवा वैद्यकीय तज्ञाकडून खात्री करून घ्यावी. या माहितीची जवाबदारी माझा पेपर घेत नाही