अभिनेता रणबीर कपूर आणि आलिया भट्ट बॉलीवूडमधील ट्रेंडिंग जोडप्यांपैकी एक आहेत, जे बऱ्याचवेळा चर्चेत देखील असतात. तसेच या दोघांच्याही लग्नाविषयी बर्‍याच बातम्या येत आहेत. पण आतापर्यंत दोघांपैकी दोघांनीही या लग्नाबद्दल खुलेपणाने बोलले नाही. जरी अद्याप लग्न झालेले नाही, तरीही हे जोडपे आपल्या बिझी शेड्यूलमधून एकमेकांसोबत वेळ घालवण्याची एकही संधी गमावत नाहीत. सध्या समोर आलेल्या फोटोंवरून असे दिसून आले आहे की दोघे सध्या केनियामध्ये आपला टाईम स्पेंड करत आहेत.
आलिया भट्टने तिच्या इंस्टाग्रामवर एक फोटो अपलोड केला आहे, ज्यामध्ये ती सूर्योदयचा आनंद घेत आहे. यासोबतच दिवसाच्या सुरुवातीसंदर्भात तिने फोटोसह एक कॅप्शनही दिले आहे. फोटो अपलोड करताना आलियाने केनिया किंवा रणबीरचा उल्लेख केला नसला तरी असे काही फोटोही समोर आले आहेत ज्यात असे दिसून आले आहे की ते सध्या एकत्र सुट्टयांचा आनंद घेत आहेत.
वास्तविक, व्हायरल भयानी यांनी आपल्या इंस्टाग्राम अकाउंटवर एक फोटो अपलोड केला आहे, यात रणबीर आणि आलिया एकत्र सफारी करताना दिसत आहेत. फोटो पाहताना असे वाटते की तो एका खुल्या जीपमध्ये जंगल सफारी करत आहे आणि आलियाच्या हातात एक कॅमेरा आहे. हे जोडपे खूपच आनंदी दिसत आहेत. व्हायरल भयानी यांनी फोटोसह लिहिले आहे की हा फोटो केनियातील अनुयायी रबिका हमीदाने पाठविला होता. यावरून हे दिसून येते की दोघे सध्या केनियामध्ये सुट्टीवर आहेत.
यापूर्वी रणबीर कपूर आणि आलिया भट्ट अंबानीद्वारा आयोजित गणेश चतुर्थी सोहळ्यात दिसले. कार्यक्रमस्थळी दोघे एकत्र पोहोचले होते आणि या जोडप्याने एकत्रितपणे अनेक फोटो क्लिक केले होते. हे दोघे गेल्या एक वर्षापासून एकमेकांना डेट करत होते आणि दोघे अनेक प्रसंगी एकत्र दिसले. अशाही बातम्या बर्‍याचदा आल्या आहेत की दोघे लवकरच लग्न करणार आहेत.