बँकॉक – सोशल मीडियावर कधी कोणता व्हिडिओ व्हायरल होईल याचा काही नेम नाही. यावेळी एका कुत्र्याचा व्हिडिओ सोशल मीडियावर मोठ्या प्रमाणात व्हायरल होत आहे. या व्हिडिओची खास गोष्ट म्हणजे त्यात दिसणारा कुत्रा अतिशय हुशारीने लोकांना आकर्षित करण्यासाठी एक खास स्टाईल अवलंबतो. तो त्याचा एक पाय तुटला असल्याची अॅक्टिंग करतो. हे करण्यामागे या कुत्र्याचे खूप विशेष नियोजन आहे. अखेर, संपूर्ण प्रकरण काय आहे ? ते आम्ही तुम्हाला सांगतो.
वास्तविक, व्हायरल होत असलेल्या व्हिडिओमध्ये एक कुत्रा आपल्या मोडलेल्या पायांनी अतिशय खास पद्धतीने वागत आहे. मात्र, त्याच्या पायाला कोणतीही इजा झालेली नाही, याचा अंदाज व्हिडीओ पाहुन लावला जाऊ शकतो. असे असूनही, तो कसा चालत आहे हे पाहून, कोणालाही विश्वास वाटणार नाही की हा कुत्रा अॅक्टिंग करत आहे. असे सांगितले जात आहे की असे केल्याने ते त्याकडे लोक आकर्षित होतात, जेणेकरून त्याला खायला मिळेल.
Ahahaha, clever dog!
Canny street mutt fakes a broken leg to get attention and food from passers-by in Bangkok pic.twitter.com/4NzMP8hido— Mad eagle (@notavulture) August 28, 2019
हा व्हिडिओ थायलँडच्या बँकॉकचा असल्याचे सांगितले जात आहे. या ड्रामेबाज कुत्र्याचा व्हिडीओ Mad eagle (@notavulture) नावाच्या ट्विटर अकाऊंटवर शेअर करण्यात आला आहे. 28 ऑगस्ट रोजी शेअर केलेला हा व्हिडिओ सतत व्हायरल होत आहे. आतापर्यंत दोन लाखाहून अधिक लोकांनी हा व्हिडिओ पाहिला आहे.
बँकॉकमध्ये राहणारे थावेपॉर्न चोंगपालापोकुल या कुत्र्याबद्दल सांगितले की, ‘हा जुना कुत्रा काही वर्षांपासून आमच्या कामाच्या ठिकाणी राहतो. तो नेहमी लोकांना फसवण्यासाठी ही युक्ती करतो. मी त्याचे दोन्ही पाय तपासले आहेत आणि तो उत्तम आहे. मी बर्‍याचदा त्याला भात खायला घालतो पण तरीही अशाप्रकारे वागण्याची त्याला सवय आहे. तो खूप हुशार आहे. मला वाटते की तो लोकांना आकर्षित करण्यासाठी आणि काहीतरी खाण्यासाठी हे करतो.