Video : रन आउटच्या नादात यष्टिरक्षकाने गोलंदाजावरच भिरकावला चेंडू

टी20 ब्लास्टच्या अधिकृत ट्विटर हँडलवरून एक व्हिडीओ पोस्ट करण्यात आला आहे. या व्हिडीओमध्ये दिसते की, यॉर्कशायरचा विकेटकिपर जॉनथन टॅटर्सलने केलेला थ्रो जोरात त्याच्याच संघातील केशव महाराजला लागतो.

The poor bowler 😂#Blast19 pic.twitter.com/cFjcYc6Ls1

— Vitality Blast (@VitalityBlast) August 24, 2019

डरहम संघाची फलंदाजी चालू असताना एका फलंदाजाने महाराजच्या गोलंदाजीवर स्वीप मारण्याचा प्रयत्न केला. बॉल फलंदाजाच्या पॅडला लागला आणि गोलंदाजाने लगेच अपील केली. मात्र अंपायरने नॉट आउट दिले. याचदरम्यान फलंदाज धावा काढण्यासाठी पळत होते. यावेळी विकेटकिपर जोनथनने रन आउट करण्यासाठी केलेला थ्रो थेट स्टंपावर लागण्याऐवजी केशव महाराजला लागला.

बॉल लागल्यानंतरही केशव महाराजने आपल्या चार ओव्हर पुर्ण केल्या, मात्र त्याला एकही विकेट मिळाली नाही. यॉर्कशायरने डरहमसमोर 147 धावांचे लक्ष्य ठेवले होते. मात्र यॉर्कशायरच्या जॅक शूटने 5 विकेट्स घेत संघाला 14 धावांनी विजय मिळवून दिला.