विश्वचषकात मोहम्मद शमीने रचला इतिहास

अफगाणिस्तान विरुद्धच्या सामन्यात हॅटट्रिक घेणाऱ्या मोहम्मद शमीने या सामन्यातदेखील आपला ठसा उमटवला. मोहम्मद शमीने कालच्या सामन्यात ४ बळी टिपले. त्याने या बरोबरच विश्वचषक स्पर्धेत ३ वेळा ४ बळी टिपण्याचा नवा इतिहास रचला. शमीने २०१५ मध्ये झालेल्या विश्वचषक स्पर्धेत एका सामन्यात ३५ धावा देत ४ बळी टिपले होते. त्यानंतर त्याने गेल्या सामन्यात अफगाणिस्तानविरुद्ध ४ बळी टिपले आणि त्याने त्याबरोबरच कालच्या सामन्यात देखील ४ बळी टिपण्याची किमया साधली. त्याचबरोबर उमेश यादवनंतर विश्वचषक स्पर्धेत सलग दोन सामन्यात ४ बळी टिपणारा तो दुसरा भारतीय गोलंदाज ठरला.