मुंबई : मेड इन इंडिया असलेली एफ-पेस ही एसयूव्ही कार जॅग्वार लॅण्ड रोव्हरने भारतात लाँच केली आहे. तब्बल ६०.०२ लाख रूपये इतकी या कारची किंमत आहे. नोव्हेंबरच्या शेवटपर्यंत याची डिलिव्हरी सुरू होणार आहे.
जॅग्वारने लाँच केली मेड इन इंडिया एफ-पेस कार
पुण्याच्या प्लांटमध्ये ही कार तयार करण्यात आली असून ही जॅग्वारची भारतात तयार करण्यात आलेली सहावी कार आहे. या टॉप मॉडेल कारची किंमत भारतात ही कार तयार झाल्याने बेसिक मॉडेलपेक्षाही कमी आहे. बेस व्हेरिएंट प्यारेची किंमत ६८.४० लाख ऐवढी आहे. पहिलीप्रस्टिज व्हेरिएंटची किंमत ७३.२५ लाख होती. या कारची किंमत आता तब्बल १३ लाखांनी कमी झाली आहे. अडॅप्टिव हेडलाईट,ऑक्टिव्हिटी की,वाय-फाय हॉटस्पॉट आणि प्रोसर्विसेस या कारमध्ये देण्यात आले आहे. यामध्ये १०.२ इंच टचस्क्रिन आणि ११ स्पीकर्स ३८० वॉटचे मेरिडियन साउंड सिस्टम देण्यात आले आहे. तसेच यामध्ये २.० लीटरचे ४ सिलेंडर टर्बोचार्ज्ड डिजेल इंजिन देण्यात आले आहे. जे १७९ पीएस पॉवर आणि ४३० एनएम टॉर्क देत आहे.