नवी दिल्ली – आपल्या प्रिय पत्नीसाठी बनवलेली ही जगातील सुंदर वास्तू म्हणजे ताजमहलचे निर्माण कोणीच करू नये म्हणून शहाजहानने ताजमहल बनवणाऱ्या कारागीरांचे हात तोडले होते अशा अनेक कथा ऐकिवात आहे. तसा ताजमहाल कोणीच बनवू नये एवढीच त्याची इच्छा होती. मात्र ही कलाकृती आपल्या प्रिय पत्नीसाठी बनवण्याचे धाडस आग्रामधील तुरुंगात राहणा-या एका फ्रेंच कैद्याने केले.
आपल्या पत्नीसाठी आगपेटीच्या काड्यांपासून उत्तर प्रदेशमधील एका परदेशी कैद्याने सुंदर ताजमहाल बनवला आहे. हा ताजमहाल आपल्या पत्नीपर्यंत पोहचवण्याची त्याची शेवटची इच्छा आहे. सोनोली सिमारेषेवर अल्बर्ट पास्कल नावाच्या फ्रान्सचा नागरिकाला अमली पदार्थांच्या तस्करीच्या आरोपाखाली पकडण्यात आले होते. उत्तर परदेशातील महराजगंज जिल्ह्यातील तुरूंगात तो शिक्षा भोगत आहे. त्याने आपल्या शिक्षेच्या काळात आपल्या प्रिय पत्नीसाठी हा ताजमहाल बनवला. अल्बर्ट हा एड्सबाधित आहे, त्याचप्रमाणे जेलमध्ये राहून त्याच्या मानसिक स्थितीवर परिणाम झाला असल्यामुळे त्याला नैराश्येतून बाहेर काढण्यासाठी तुरूंगातील प्रशासनाने त्याच्या कलागुणांना वाव देण्याची संधी दिली आहे.
अल्बर्टने हा ताजमहाल तरुंगातील अन्य दोन कैद्यांच्या मदतीने बनवला आहे. हा ताजमहाल बनवण्यासाठी ३० हजार काड्या आणि दोन किलो फेव्हिकॉल वापरण्यात आला आहे. हा ताजमहाल आपल्या पत्नीपर्यंत फ्रान्सला पोहचवण्याची इच्छा त्याने व्यक्त केली आहे.