नवी दिल्ली : पाचशेची नवी एक नोट छापण्यासाठी ३ रुपये ९ पैसे, तर दोन हजारची नोट छापण्यासाठी ३ रुपये ५४ पैसे एवढा खर्च रिझर्व बँक ऑफ इंडियाला अशी माहिती माहिती अधिकारात समोर आली आहे. पाचशेच्या एक हजार नोटा छापण्यासाठी ३ हजार ९० रुपये खर्च येतो. पाचशेची जुनी नोट छापण्यासाठी देखील एवढाच खर्च येत होता, अशी माहिती आरबीआयकडून चंद्रशेखर गौड यांनी केलेल्या माहिती अधिकार अर्जानंतर देण्यात आली आहे. दोन हजारच्या एक हजार नोटा छापण्यासाठी आरबीआयला ३ हजार ५४१ रुपये लागतात. जुन्या एक हजारच्या नोटांसाठीही एवढाच खर्च येत होता, असे आरबीआयने म्हटले आहे.