नवी दिल्ली : आपली नवी डाटा ऑफर रिलायन्स जिओने लाँच केल्यानंतर सर्वच मोबाईल कंपन्यांनी आपल्या ग्राहकांसाठी नवनव्या युक्त्या चालू केल्या असून आता त्यातच एअरटेलनेही आपल्या ग्राहकांसाठी नवी ऑफर आणली आहे. आपल्या युजर्ससाठी एअरटेलने ५ जीबी मोफत ३ जी इंटरनेट देण्याची घोषणा केली आहे.
आपल्या ग्राहकांसाठी नव्या डाटा प्लानची ऑफर बीएसएनएलने आणली. त्यानंतर आता एअरटेलने ही नवी ऑफर लाँच केली आहे. यातील विशेष बाब म्हणजे ही ऑफर २ जी, ३ जी आणि ४ जी युजर्सना देखील मिळणार आहे. या नव्या ऑफरमध्ये मिळणा-या डाटा पॅकचा स्पीड युजर्सद्वारे सब्सक्राइब्ड डाटानुसारच मिळणार आहे. मात्र, या ऑफरचा सरसकट लाभ हा सर्व युजर्संना घेता येणार नाही. या एअरटेलच्या ऑफरचा लाभ घेऊ इच्छिणा-या युजर्सकडे ‘माय एअरटेल ऍप’ असणे गरजेचे असणार आहे. हे नवे ऍप आयफोन आणि अँड्राइड युजर्ससाठी उपलब्ध करण्यात आले आहे.