नवी दिल्ली- आता लवकरच व्हॉट्सअॅपचे अॅप्लिकेशन न उघडता फक्त मोबाईलच्या स्क्रीनवरूनच व्हॉट्सअॅपवरून ‘कॉल बॅक’ करणे शक्य होणार आहे. ही सुविधा अॅपलच्या आयओएस आणि अँड्रॉइड मोबाईलवर उपलब्ध होणार आहे.
याचा फायदा व्हॉट्सअॅपची व्हॉइस कॉल सुविधेचा वापर करणाऱ्या ग्राहकांना होणार आहे. नेहमीच्या कॉलिंगप्रमाणे व्हॉट्सअॅप कॉलचेही नोटिफिकेशन येथे त्याच्या बाजूलाच हे कॉलबॅकचे बटन दिले जाणार आहे. फोन रडार या संकेतस्थळाने दिलेल्या माहितीनुसार, व्हॉट्सअॅप न उघडता कॉल बॅक करण्याची सुविधा सुरू होणार आहे. तसेच, अॅपलच्या वापरकर्त्यांसाठी व्हॉईस मेलची सुविधाही सुरू होणे अपेक्षित आहे, असे त्यांनी म्हटले आहे.