नवी दिल्ली : नव्या वर्षाच्या प्रारंभी आय्वरी एम४ हा ८ मेगापिक्सल कॅमे-याचा नवीन फ्लॅगशीप टॅबलेट स्मार्टफोन निर्मिती क्षेत्रातील आघाडीची कंपनी ‘लावा’ने लाँच केला आहे. आकर्षक लूक असलेल्या या टॅबलेटची किंमत ९,२९९ रूपये आहे.
कसा आहे लावाचा नवा टॅबलेट – याचा डिस्प्ले ८ इंचाचा आयपीएस असून त्याचे रिझोल्यूशन १२८०३ x ८०० पिक्सल एवढे असून यात लॉलीपॉप अँड्रॉईड ५.१ ऑपरेटींग सिस्टिम देण्यात आले आहे. त्याचबरोबर १.३ गीगाहर्टज् क्वॉडकोरचा प्रोसेसर देखील यात आहे. यात २ जीबी डीडीआर ३ रॅम असून १६ जीबी इंटरनल स्टोअरे देखील देण्यात आले आहे. याचा रियर कॅमेरा ८ मेगापिक्सल एचडी व सेल्फी कॅमेरा ३.२ मेगापिक्सलचा आहे. यात ३जी, यूएसबी, वाय-फाय, ब्ल्यूटय़ूथ, जीपीएस अशा कनेक्टीव्हीटी देखील देण्यात आल्या आहेत. याच्या बॅटरीची क्षमता ४००० एमएएच एवढी आहे. हा टॅबलेट सिल्व्हर, डार्क ग्रे रंगात उपलब्ध आहे.