३१ ऑगस्टपर्यंत प्राप्तिकर भरण्याच्या मुदतीत वाढ

‘आयटीआर २’ आणि ‘आयटीआर २ ए’ हे दोन्ही नवीन फार्म केवळ तीन पानांचे आहेत. या फॉर्ममध्ये प्राप्तिकर दात्यांना आपली सर्व बॅँक खाती व पासपोर्टचा क्रमांक नमूद करावा लागणार आहे. प्राप्तिकर दात्यांनी आपली अन्य माहिती गरज भासल्यास अन्य कागदपत्रांद्वारे जोडायची आहे.

‘आयटीआर २ ए’ हा फॉर्म वैयक्तिक प्राप्तिकर दात्यांसाठी किंवा हिंदू अविभक्त कुटुंबासाठी आहे. उद्योग, शेअर बाजारातून उत्पन्न नसलेल्या, परदेशी संपत्तीतून उत्पन्न नसलेल्या व्यक्तींना हा फॉर्म भरायचा आहे. परदेश दौ-यांचा तपशील जाहीर करण्याची आवश्यकता नाही. केवळ पासपोर्ट क्रमांक या फॉर्ममध्ये दिला तरी चालणार आहे, असे अर्थखात्याने जाहीर केले.