पुणे – ७ मे रोजी येत्या शैक्षणिक वर्षात होणारी आरोग्य विज्ञान पदवी अभ्यासक्रम प्रवेशासाठी सामाईक प्रवेश परीक्षा म्हणजेच एमएच-सीईटी ही होणार आहे. या सीईटी परीक्षेसाठी ऑनलाईन अर्ज भरण्यास सुरुवात झाली आहे. अर्ज भरण्याची शेवटची मुदत दि. २४ मार्चपर्यंत असल्याचे वैद्यकीय शिक्षण आणि संशोधन संचलनालयाकडून कळविण्यात आले आहे.

शैक्षणिक वर्ष २०१५-१६ करिता एमबीबीएस, बीडीएस, बीएएमएस, बीएचएमएस, बीयुएमएस, बीपीटीएच, बीओटीएच, बीएएसएलपी, बीपी अ‍ॅन्ड ओ, बीएस्सी नर्सिंग आणि बीव्हीएससी अ‍ॅन्ड एच या आरोग्य विज्ञान पदवी अभ्यासक्रमाच्या प्रवेशासाठी महाराष्ट्र शासनाच्या वतीने एमएच-सीईटी घेतली जाते. ही सामाईक प्रवेश परीक्षा प्रत्येक जिल्ह्याच्या ठिकाणी येत्या ७ मे रोजी होणार आहे. या परीक्षेसाठी ५ मार्चपासून ऑनलाईन अर्ज वैद्यकीय शिक्षण व संशोधन संचालनालयच्या संकेतस्थळावर उपलब्ध करून देण्यात आले आहेत. या प्रवेश परीक्षासंबंधातील पात्रतेचे नियम व ऑनलाईन पद्धतीने अर्ज सादर करावयाचे आहेत.