स्टेलेनबोस्च – आपली मैत्रिण रिव्हा स्टीनकॅम्प हिच्या हत्येप्रकरणी ‘ब्लेड रनर’ म्हणून प्रसिद्ध असलेल्या ऑस्कर पिस्टोरियसला मंगळवारी न्यायालयाने पाच वर्षांच्या तुरूंगवासाची शिक्षा ठोठावली असून त्यानंतर लगेचच ऑस्करची रवानगी तुरूंगात करण्यात आली.

२०१३ साली व्हॅलेंटाईन डेच्या आदल्या दिवशी मॉडेल रिव्हा स्टिनकॅम्प हिची हत्या झाली होती व ऑस्करवर तिच्या खुनाचा आरोप लावण्यात आला होता. याप्रकरणी ऑस्करवर खुनाचा आरोप लावण्यात आला होता व त्याला दहा वर्षांच्या तुरूंगावासाची शिक्षा ठोठावण्यात यावी अशी मागणी सरकारी वकिलांनी केली होती. मात्र, रिव्हाच्या मृत्यूमुळे ऑस्कर आधीच दु:खी असून त्याला कमीत कमी शिक्षा व्हावी असे बचाव पक्षाच्या वकिलांचे म्हणणे होते.