मुंबई – गानसम्राज्ञी भारतरत्न लता मंगेशकर यांच्या समवेत सुमारे १ लाख लोक ए मेरे वतन के लोगो हे गीत २७ जानेवारीला गाणार आहेत. या कार्यक्रमासाठी देशभरातून नामवंत गायक येणार आहेत तसेच भाजपचे पंतप्रधानपदाचे उमेदवार नरेंद्र मोदी हेही हजर राहणार आहेत. २७ जानेवारीला सायंकाळी ६ वाजता शहीद गौरव समिती- लोढा फौंडेशनतर्फे हा कार्यक्रम महालक्ष्मी रेसकोर्सवर होणार आहे.

याविषयी मिळालेल्या माहितीनुसार कवी प्रदीप यांनी चीनच्या युद्धात झालेल्या पराभवानंतर लिहिलेले अजरामर गीत ए मेरे वतन के लोगो यंदा ५० वर्षांचे होत आहे. त्या निमित्ताने युद्धात धारातीर्थी पडलेल्या शहिदांच्या सन्मानार्थ हे गीत गायिले जाणार आहे. यावेळी लता दिदींचे सार्वजनिक अभिनंदन आणि सत्कारही केला जाणार आहे.