मुंबई – जर्मन कार उत्पादक कंपनी मर्सिडीज बेंझने या वर्षात ८ नवी मॉडेल्स भारतीय बाजारात आणण्यात येणार असल्याचे जाहीर केले असून गेल्यावर्षातही कंपनीने ८ मॉडेल्स सादर केली होती. कंपनीने वाढती विक्री आणि कंपनीचा विकास कायम राखण्यासाठी आखलेल्या योजनेनुसार आठ नवी मॉडेल्स बाजारात आणली जात आहेत असे मर्सिडीज बेंझ इंडियाचे सीईओ एबरहार्ड केर्न यांनी सांगितले.

केर्न यांनी दिलेल्या माहितीनुसार २०१३ चे वर्ष कंपनीसाठी भारतात अतिशय सफल वर्ष ठरले आहे. या वर्षात कंपनीच्या कार विक्रीत ३२ टक्के वाढ नोंदविली गेली आहे. हाच दर या वर्षातही कायम राखण्याचा कंपनीचा प्रयत्न आहे. नवीन मॉडेल्स सादर करण्याबरोबरच कंपनी देशाच्या विविध भागातील छोट्या शहरातून नेटवर्क विस्तारही करणार आहे.