मुंबई- शिवाजी पार्क परिसरातील महापौर बंगल्यालगत शिवसेनाप्रमुख बाळासाहेब ठाकरे यांचे स्मारक उभे करण्या्साठी एक समिती स्थागपन करण्यामत आली आहे. त्यापमध्ये् काँग्रेसचे सुशीलकुमार शिंदे, गानसम्राज्ञी लता मंगेशकर, सुपरस्टार अमिताभ बच्चन यांसारखी दिग्गज मंडळी असावीत, यासाठी स्वतः शरद पवार प्रयत्न करीत असल्याचे कळते. स्मारकासाठी राष्ट्रवादी काँग्रेसचे राष्ट्रीय अध्यक्ष शरद पवार यांनी पुढाकार घेतला आहे.
शिवाजी पार्क परिसरात बाळासाहेब ठाकरे यांचे स्मारक व्हावे यासाठी शरद पवार यांनी स्वतःहून शिवसेना पक्षप्रमुख उद्धव ठाकरे यांच्याशी संपर्क साधून सर्वपक्षीय समितीचा प्रस्ताव मांडल्याचे कळते. महापौर बंगला तसेच शेजारचा महापालिकेचा क्लब या दोन्ही ठिकाणी नेमके कुठे स्मारक बांधता येईल, याची पाहणीही शरद पवार यांनी केली आहे. हे स्मारक नेमके कसे असावे, तिथे भेट देणाऱ्यांना अष्टपैलू व्यक्तिमत्त्वाच्या शिवसेनाप्रमुखांच्या कोणत्या गोष्टी पहायला मिळाव्यात, त्यांची मांडणी कशी असावी, याचा विचार करण्यासाठी एक समिती स्थापन करण्यात येणार असून तिचे अध्यक्ष कोण असावे तसेच त्यामध्ये कोण सदस्य असावेत अशी प्राथमिक स्वरूपाची चर्चा त्यांनी शिवसेना नेत्यांसोबत केल्याचे कळते.
या पार्श्वभूमीवर केंद्रीय गृहमंत्री सुशीलकुमार शिंदे यांच्यासह बाळासाहेबांच्या चाहत्या असलेल्या लता मंगेशकर, अमिताभ बच्चन यांचाही या समितीमध्ये समावेश असावा याविषयी पवारांनी शिवसेना नेत्यांशी प्राथमिक चर्चा केल्याचे कळते. ही समिती स्मारकासंदर्भातील सर्व काम करेल आणि स्मारक तयार झाले की ते शिवसेनेच्या विश्वस्त मंडळाकडे सुपूर्द करणार असल्याचे कळते.
