उनाव – उत्तर प्रदेशातील ऊनाव जिल्ह्यात असलेल्या राजा रामबक्श सिग या राजाच्या पडिक किल्ल्यात हजारो टन सोने असल्याच्या वृत्तावरून पुरातत्त्व विभागाने या ठिकाणी सकाळी आठ पासून उत्खननाची सुरवात केली आहे. हे काम सायंकाळी पाच वाजेपर्यंत सुरू राहणार आहे. येथील साधू शोभन सरकार याने मृत राजा स्वप्नात आल्याचे व त्याने किल्ल्यात हजारो टन सोने असल्याचे सांगितले होते. त्याची दखल केंद्र सरकारने घेऊन पुरातत्व विभागातर्फे हे खोदकाम हाती घेतले आहे. खोदकाम सुरू करण्यापूर्वी शोभन सरकारने दाखविलेल्या ठिकाणाची साग्रसंगीत पूजाही केली गेल्याचे समजते.