जी सॅट ७ चे प्रक्षेपण यशस्वी

जी सॅट ७ या उपग्रहाच्या निर्मितीसाठी १८५ कोटी रुपये खर्च आला आहे. त्याचे वजन २० क्विंटलपेक्षाही अधिक आहे. एवढा मोठा उपग्रह अवकाशात नेऊन सोडण्यासाठी आवश्यक असलेला क्रायोजनिक इंजिनाची निर्मिती अजून भारतात होऊ शकलेली नाही. त्यामुळे त्यासाठी यूरोपियन स्पेस एजन्सीची मदत घेण्यात आली आणि त्याचे प्रक्षेपण कोराऊ येथून करण्यात आले.

प्रक्षेपण केल्यानंतर ३४ मिनिटे आणि २५ सेकंदानंतर हा उपग्रह त्याच्या नियोजित कक्षेत जाऊन स्थापित झाला आणि कर्नाटकातील हसन येथे असलेल्या इस्त्रोच्या मास्टर कंट्रोल फॅसिलिटी या तळावर उपग्रहाकडून योग्य ते संदेश मिळण्यास प्रारंभ झाला. हा उपग्रह स्थापित झाल्याचे संदेश मिळाले आहे. मात्र त्याचे माहिती गोळा करण्याचे काम सप्टेंबर महिन्याच्या शेवटी सुरू होणार आहे.