आसाराम बापूंना फासावर लटकवण्याची मागणी

अल्पवयीन मुलीवर लैंगिक अत्याचार केल्याचा आरोप असलेले संत आसाराम बापू यांना लुकआऊट’ नोटीस जारी करण्याची लेखी मागणी जोधपूर पोलिसांनी इमिग्रेशन विभागाकडे केलीय. ही मागणी मंजूर झाल्यास आसाराम यांना देश सोडून अन्यत्र जाता येणार नाही. पोलिसांनी आज आठ तासांच्या प्रतिक्षेनंतर इंदूरच्या आश्रमात चौकशीसाठी पोलिसांसमोर हजर होण्याचे समन्स बापूंना बजावले आहे.

आसाराम बापू यांच्यावरील आरोपांची शहानिशा होईपर्यंत त्यांना देश सोडून बाहेर जाता येऊ नये, यासाठी लुकआऊट नोटीस’ जारी करावी असे निवेदन जोधपूर पोलिसांनी दिल्लीच्या सह इमिगे्रशन संचालकांना पाठविले आहे. आसाराम यांनी 30 ऑगस्टला चौकशीसाठी जोधपूर पोलिसांसमोर हजर राहण्याचे आदेश आहे.