पन्ना दि. ३० – श्रीलंकेत ज्या ठिकाणी सीतामाईने अग्निपरिक्षा दिली असा समज आहे, त्या जागेवर सीतामाईचे भव्य मंदिर उभारण्यात येत असल्याचे मध्यप्रदेशचे मुख्यमंत्री शिवराजसिंग चौहान यांनी जाहीर केले आहे. ते म्हणाले की आम्ही बरेच दिवस यासाठी प्रयत्न करत होतेा त्याला यश आले असून श्रीलंकन सरकारनेही या जागी मंदिर उभारण्यासाठी परवानगी दिली आहे. भारत सरकारची परवानगीही आवश्यक होती मात्र ती मिळण्यास थोडा विलंब लागला. तरी आता भारत सरकारनेही या मंदिरासाठी परवानगी दिली आहे त्यामुळे मंदिराचे काम लवकरात लवकर सुरू केले जात आहे.