नवी दिल्ली दि.२ – सोन्याची नाणी, दागिने वा अन्य वस्तू रोखीने खरेदी करत असाल आणि ही खरेदी दोन लाख रूपयांपेक्षा अधिकची असेल तर त्यावर १ जूनपासून १ टक्का टीसीएस ( टॅक्स कलेक्शन अॅक्ट) लागू होत आहे. त्यामुळे यापुढे दोन लाखांपेक्षा जास्त किंमतीची रोख सोने खरेदी महाग पडणार आहे. पाच लाख रूपयांपेक्षा जास्त किमतीच्या दागिन्यांवरही हा कर १ टक्का आकारला जाणार आहे.२०१३ च्या अर्थसंकल्पात हा कर लावला गेला आहे.

सध्याच्या नियमानुसार सोन्याची नाणी दागिने अथवा बुलियन या कशातच समाविष्ट नाहीत. त्यामुळे नाण्यांच्या खरेदीवर कोणताही कर लागत नव्हता. मात्र त्याचा दुरूपयोग होऊ लागल्याने आता यापुढे १० ग्रॅम अथवा त्यापेक्षा कमी वजनाच्या नाण्यांवरही हा कर लागू हणार आहे. हे विधेयक राज्यसभेत मंजुरीसाठी पाठविले गेले असून तेथून मंजूर होऊन आल्यावर त्याचा राष्ट्रपतींच्या स्वाक्षरीने कायदा होईल असे सांगण्यात आले.