नवी दिल्ली दि. २६ – दहशतवाद, गरिबी आणि ढेपाळलेले सरकार अशी अवस्था असलेले पाकिस्तान सार्या जगाचीच डोकेदुखी ठरत आहे, आणि अमेरिकाही इथले प्रश्न सोडवण्यासाठी कमी पडत आहे, असे मत अमेरिकेच्या माजी विदेशमंत्री मेडली अलब्राईट यांनी भारत दौर्यावर असताना व्यक्त केले आहे.
अर्थात भारत आणि पाकिस्तानच्या वाढत्या संबंधांचे श्रेय त्यांनी अमेरिकेचे माजी राष्ट्रपती बिल क्लिंटन आणि जॉर्ज बुश यांना दिले आहे. नवी दिल्लीमध्ये २०१२- राजनैतिक बदलावाचे एक वर्ष या विषयावर व्याख्यान देताना त्यांनी हे विधान केले आहे. जातीयवादी संघर्ष, भारत-पाकिस्तानमधील दुरावा, दक्षिण चीन सागरातील युद्ध हे २१ व्या शतकातील जगासमोर असलेले मोठे प्रश्न आहेत असेही त्या म्हणाल्या.
पाकिस्तान आंतरराष्ट्रीय डोकेदुखी ठरू लागले आहे. इथं गरिबी, दहशतवाद, अण्वस्र प्रसारबंदीचे प्रश्नसारखे अनेक प्रश्न आहेत आणि त्यांना सोडविण्यासाठी प्रशासन मात्र दुर्बल ठरत आहे. बिल क्लिंटन यांच्या काळात विदेश मंत्रालयाचा कारभार हाताळणार्या अलब्राइट यांनी ’व्यापारी संबंध जोडणारा भारत मात्र या डोकेदुखीवर औषध शोधून काढू शकतो’ असेही आपल्या शैलीत सुचवले आहे.
