अंडर ग्राऊंड फिल्मस् प्रायव्हेट लिमिटेड प्रस्तुत या चित्रपटाचे शुटिंग नुकतेच मुंबई आणि गोवा अशा निसर्गरम्य परिसरात पूर्ण झालेले आहे. या धमाल विनोदी कथेमध्ये आणखी रंग भरण्याचं काम भरत जाधव, अंकुश चौधरी, अनिकेत विश्वासराव, क्रांती रेडकर, सई लोकूर, मनवा नाईक, सई ताम्हणकर, पंढरीनाथ कांबळे या प्रसिद्ध कलाकारांनी केलंय.
‘नो एन्ट्री- पुढे धोका आहे’चे दिग्दर्शन अभिनेता अंकुश चौधरीने केलं आहे. हा चित्रपट अतिशय मोठया बजेटने तयार करण्यात आला आहे. चित्रपटाची निर्मीती प्रेमनाथ राजागोपालन आणि निखिल सैनी यांच्या अंडर ग्राऊंड फिल्मस् प्रायव्हेट लिमिटेड या बॅनरखाली करण्यात आले आहे. सध्या या चित्रपटाचे पोस्ट प्रोडक्शन खूप जोमाने सुरु असून येत्या ऑगस्ट महिन्यात हा चित्रपट प्रेक्षकांच्या भेटिस सज्ज होणार आहे.
नृत्य दिग्दर्शन संतोष पलनवार आणि रवि बोतलजे यांनी अतिशय सुंदर व लोकांना थिरकण्यासारखे केले आहे. तसेच संगीत नकाश, सरगम यांनी दिलेले असून गीतकार गुरु ठाकूर यांनी गीते लिहिली आहेत.
