दीपिका पादुकोण आणि सैफ अली खानचा ‘कॉकटेल’ चित्रपट आठवा, ज्यामध्ये डायना पेंटी देखील दिसली होती. या चित्रपटात तिघांचा लव्ह ट्रँगल दाखवण्यात आला होता. या चित्रपटातील गाण्यांचीही खूप चर्चा झाली होती. आता 12 वर्षांनंतर ‘कॉलटेल’चा सिक्वेल बनवणार आहे. पण या चित्रपटात सैफ अली खान आणि दीपिका पादुकोण नाही, तर शाहिद कपूर आणि क्रिती सेनॉन रोमान्स करताना दिसणार आहेत. पिंकविलाच्या रिपोर्टनुसार, हा ‘कॉकटेल’चा सीक्वल असणार आहे आणि तो पुन्हा होमी अदजानिया दिग्दर्शित करणार आहे. या चित्रपटात शाहिद कपूर आणि क्रिती सेनॉन ‘तेरी बातों में ऐसा उल्झा जिया’ नंतर पुन्हा रोमान्स करताना दिसणार आहेत.

रिपोर्ट्सवर विश्वास ठेवला तर ‘कॉकटेल’ नंतर दिनेश विजन ‘कॉकटेल 2’ साठी सज्ज झाला आहे. मात्र, यावेळी चित्रपटात बदल पाहायला मिळणार आहेत. पण मागील चित्रपटाप्रमाणे या चित्रपटातही प्रेमाचा त्रिकोण दिसणार असून शाहीद कपूर आणि क्रिती सेनॉन मुख्य भूमिकेत दिसणार आहेत. या चित्रपटात रश्मिका मंदान्ना देखील दिसणार असल्याचे वृत्त आहे.

रिपोर्ट्सवर विश्वास ठेवला तर, ‘तेरी बातों में ऐसा उल्झा जिया’ नंतर शाहिद कपूर आणि क्रिती सेनॉन ‘कॉकटेल 2’ मध्ये पुन्हा एकदा मोठ्या पडद्यावर एकत्र दिसण्यासाठी सज्ज आहेत. दोघांनाही चित्रपटाची स्क्रिप्ट आवडली. तथापि, अद्याप या संदर्भात निर्मात्यांनी किंवा शाहिद कपूर आणि क्रिती सेनॉनने कोणतेही अपडेट दिलेले नाही. तथापि, चित्रपट निर्माते दिनेश विजन यांना रोमकॉम जॉनर आवडतो आणि त्यांनी याआधी त्यावर अनेक चित्रपट बनवले आहेत. लव रंजन ‘कॉकटेल 2’ लिहिणार असल्याची चर्चा आहे. लव रंजनने यापूर्वीही अनेक रोमकॉम केले आहेत.

2012 मध्ये ‘कॉकटेल’ रिलीज झाला, तेव्हा हा चित्रपट दीपिका पादुकोणसाठी गेम चेंजर ठरला. या चित्रपटानंतर तिचे करिअर गगनाला भिडले. या चित्रपटाची कथा इम्तियाज अली यांनी लिहिली होती. या चित्रपटात एक प्लेबॉय, फोटोग्राफर आणि एक रूढीवादी मुलगी यांच्यातील प्रेमाचा त्रिकोण दाखवण्यात आला होता. अहवालांवर विश्वास ठेवला तर, सध्या ‘कॉकटेल 2’ साठी कास्टिंग चालू आहे आणि ते मे 2025 मध्ये रिलीज होऊ शकते.

वर्क फ्रंटबद्दल बोलायचे झाले, तर शाहिद कपूर शेवटचा ‘तेरी बातों में ऐसा उल्झा जिया’ मध्ये दिसला होता. सध्या तो रोशन अँड्र्यूच्या ‘देवा’ या चित्रपटाचे शूटिंग करत आहे. या चित्रपटात त्याच्यासोबत पूजा हेगडे आहे. क्रिती सेनॉनबद्दल बोलायचे झाले, तर ती ‘क्रू’मध्ये दिसली होती. याशिवाय क्रिती सेनॉन शाहीर शेखसोबत ‘दो पत्ती’मध्येही दिसली होती. अलीकडेच क्रितीने तिची बहीण नुपूर सेननसोबत काम करण्याचे संकेतही दिले होते.