दिल्ली कॅपिटल्सचे मुख्य प्रशिक्षक ऋषभ पंतबाबत बोलले खोटे? संघाचे मालक पार्थ जिंदाल यांनी दिली ही माहिती

आयपीएल 2025 साठी खेळाडूंची बोली 24 आणि 25 नोव्हेंबर रोजी जेद्दाह, सौदी अरेबिया येथे आयोजित करण्यात आली होती. लिलाव पूर्ण झाल्यानंतर, फ्रँचायझीचे मालक पार्थ जिंदाल यांनी पंतला संघात परत न घेतल्याबद्दल खंत व्यक्त केली. कायम न ठेवण्याच्या निर्णयाबाबतही ते बोलले. ईएसपीएनक्रिकइन्फोला दिलेल्या मुलाखतीत पार्थ जिंदालने पंतच्या दिल्ली सोडण्याच्या निर्णयाशी पैशांचा काहीही संबंध नसल्याचा खुलासा केला होता. तो म्हणाला होता की, ‘पैसा ही ऋषभ किंवा आमच्यासाठी कधीही समस्या नव्हती. आम्ही फक्त वेगवेगळ्या मार्गावर होतो.

कोणत्याही परिस्थितीत पंतला कायम ठेवायचे होते, असेही जिंदाल म्हणाले होते. दोघांमध्ये अनेक चर्चा झाल्या, पण संघ चालवण्याबाबत एकमत होऊ शकले नाही. त्यामुळेच त्याला कायम ठेवण्यात आले नाही. संघाचे मुख्य प्रशिक्षक आणि मालक यांनी दोन वेगवेगळ्या गोष्टी सांगितल्या आहेत. यावरून मुख्य प्रशिक्षक हेमांग बदानी पंतवर खोटे आरोप करत असल्याचा अंदाज लावता येतो.

आयपीएल मेगा लिलावादरम्यान, 577 खेळाडूंनी भाग घेतला, त्यापैकी 182 खेळाडूंना 10 वेगवेगळ्या संघांनी विकत घेतले आणि त्यांच्या संघात समाविष्ट केले. यादरम्यान ऋषभ पंतला राईट टू मॅच कार्डद्वारे परत खरेदी केले जाईल, अशी आशा दिल्लीच्या चाहत्यांना होती, परंतु तसे होऊ शकले नाही. मात्र, दिल्लीने यासाठी निश्चितच प्रयत्न केले होते. लखनऊ संघाने त्याच्यासाठी 20.25 कोटींची बोली लावली तेव्हा पार्थ जिंदालने राईट टू मॅच कार्ड वापरले. यानंतर लखनौने बोली वाढवून 27 कोटी रुपये केली. पर्समध्ये पैसे कमी असल्याने त्याला तेथून जावे लागले. 22-23 कोटी रुपये देण्यास तयार असल्याचे जिंदाल यांनी सांगितले होते. यासह पंत लीगच्या इतिहासातील सर्वात महागडा खेळाडू ठरला आहे.