पर्थमधील बॉर्डर-गावस्कर ट्रॉफी स्पर्धेतील पहिला कसोटी सामना जिंकल्यानंतर भारतीय संघ ॲडलेड ओव्हलवर दुसऱ्या सामन्यात ऑस्ट्रेलियाशी सामना करत आहे. ॲडलेड कसोटीत भारताचा पहिला डाव संपला असून आता ऑस्ट्रेलियन संघ फलंदाजीसाठी मैदानात उतरला आहे. भारतीय संघ पहिल्या डावात 180 धावांवरच मर्यादित राहिला. ऑस्ट्रेलियाकडून मिचेल स्टार्कने सर्वाधिक 6 बळी घेतले. तर भारताकडून नितीशकुमार रेड्डीने सर्वाधिक धावा केल्या. आपल्या डावात तीन षटकार मारून त्याने विराट कोहली, महेंद्रसिंग धोनी आणि सौरव गांगुली यांसारख्या दिग्गजांनाही एका बाबतीत पछाडले.

पर्थमध्ये भारताचा पहिला डाव ढासळत असताना नवोदित नितीशकुमार रेड्डीने आपल्या संघाची धुरा सांभाळली आणि त्याच्या खेळीमुळे भारताला 150 धावा करण्यात यश आले. ॲडलेड ओव्हलमध्येही नितीश रेड्डीने संघासाठी असाच पराक्रम केला. ॲडलेडमध्येही भारताचा डाव फसला. त्यानंतर नितीशकुमार रेड्डीने कारकिर्दीतील केवळ दुसरी कसोटी खेळताना आक्रमक खेळ करत 54 चेंडूत 42 धावा केल्या. या खेळीत त्याने 3 चौकार आणि तीन षटकार मारले.

पर्थ कसोटीतील पहिला डाव नितीशच्या कारकिर्दीतील पहिला कसोटी डाव ठरला. तेव्हा तो भारताचा सर्वाधिक धावा करणारा खेळाडू होता. त्याने 59 चेंडूत 1 षटकार मारून 41 धावा केल्या. यानंतर त्याने दुसऱ्या डावात नाबाद 38 धावा करताना दोन षटकार ठोकले. आता ॲडलेडच्या पहिल्या डावात तीन षटकार मारल्याने ऑस्ट्रेलियात त्याच्या एकूण कसोटी षटकारांची संख्या 6 झाली आहे. यासह त्याने या बाबतीत अनेक भारतीय दिग्गजांना पराभूत केले आहे.

मायदेशात ऑस्ट्रेलियाविरुद्ध कसोटीत सर्वाधिक षटकार मारण्याच्या बाबतीत रेड्डीने विराट कोहली, महेंद्रसिंग धोनी, सौरव गांगुली, व्हीव्हीएस लक्ष्मण, कपिल देव आणि राहुल द्रविड यांना मागे टाकले आहे. एकूणच या बाबतीत वेस्ट इंडिजचा माजी क्रिकेटपटू ख्रिस गेल (10 डावात 12 षटकार) आणि व्हिव्ह रिचर्ड्स (39 डावात 12 षटकार) पुढे आहेत.