मुंबई इंडियन्सने IPL 2025 साठी हार्दिक पांड्याला कायम ठेवले आहे. पण, 18व्या हंगामातील पहिल्या सामन्यात त्यांना त्यांच्या स्टार खेळाडूची सेवा मिळणार नाही. तुम्ही विचार करत असाल की IPL 2025 ला अजून सुरुवातही झाली नाही आहे की हार्दिकची ही कल्पना कुठून आली? अर्थात, आता आयपीएल 2025 च्या क्रिकेट ॲक्शनची नव्हे, तर लिलावाची वेळ आली आहे. पण जेव्हा ही वेळ येईल, तेव्हा पांड्यावर घातलेल्या बंदीमुळे तो त्यात खेळणार नाही.

स्लो ओव्हर रेटमुळे हार्दिक पांड्यावर बंदी घालण्यात आली आहे. आयपीएल 2024 मध्ये मुंबई इंडियन्सचा शेवटचा सामना लखनौ सुपर जायंट्ससोबत होता. या सामन्यात कर्णधार हार्दिक स्लो ओव्हर रेटचा बळी ठरला. त्या हंगामात त्याच्यावर लादण्यात आलेला हा तिसरा स्लो ओव्हर रेट होता, ज्यामुळे त्याला 30 लाख रुपयांच्या दंडासह 1 सामन्याच्या बंदीला सामोरे जावे लागले.

आयपीएलच्या आचारसंहितेनुसार, जर संघ स्लो ओव्हर रेटचा बळी ठरला, तर कर्णधाराला प्रथम 12 लाख रुपयांचा दंड भरावा लागतो. दुस-यांदा ही रक्कम वाढून 24 लाख रुपये होते आणि तिसऱ्यांदा स्लो ओव्हर रेटचा संघ बळी ठरला, तर कर्णधारासोबतही तेच घडते, जे हार्दिक पांड्यासोबत घडले.

आता प्रश्न असा आहे की जर पहिल्या सामन्यात हार्दिक नसेल, तर मुंबई इंडियन्सचा कर्णधार कोण असेल? रोहित शर्मा, जसप्रीत बुमराह, सूर्यकुमार यादव हे खेळाडू यासाठी दावेदार आहेत. पण, संघ व्यवस्थापनाच्या नजरेत सूर्यकुमार यादव कदाचित या शर्यतीत आघाडीवर असेल.

मुंबई इंडियन्सने IPL 2025 साठी हार्दिक पांड्यासह 5 खेळाडूंना कायम ठेवले आहे, ज्यामध्ये रोहित शर्मा, जसप्रीत बुमराह, सूर्यकुमार यादव आणि तिलक वर्मा यांची नावे आहेत. मुंबईने बुमराहला 18 कोटींमध्ये रिटेन केले. सूर्या 16.35 कोटी, रोहित 16.30 कोटी आणि तिलक वर्मा 8 कोटी.