अक्षय कुमारची होईल बत्ती गुल! जर अजय देवगण-आमिर खानने आणला 27 वर्षे जुन्या कॉमेडी चित्रपटाचा सिक्वेल

वास्तविक, 90 च्या दशकात आमिर खान आणि अजय देवगन यांनी 1997 मध्ये आलेल्या ‘इश्क’ चित्रपटात एकत्र काम केले होते. दोघांच्या ऑन-स्क्रीन केमिस्ट्रीने सगळ्यांनाच भुरळ पाडली होती. नुकतेच अजय देवगण आणि आमिर खान एका कार्यक्रमात दिसले. यादरम्यान दोघांनी यापूर्वी आलेल्या ‘इश्क 2’ या चित्रपटाच्या सिक्वेलमध्ये एकत्र काम करण्याची इच्छा व्यक्त केली होती. याशिवाय ‘इश्क’ चित्रपटातील काही जुन्या आठवणीही त्यांनी सर्वांसोबत शेअर केल्या.

मिलाप झवेरी यांचा आगामी चित्रपट ‘तेरा यार हूं मैं’च्या मुहूर्तावर अजय आणि आमिर पोहोचले होते. दोघेही बऱ्याच दिवसांनी एका मंचावर एकत्र दिसले. जेव्हा हे दोघे एकत्र दिसले, तेव्हा लोकांना त्यांचा ‘इश्क’ चित्रपटही आठवला. यादरम्यान आमिरने सांगितले की, ते अनेकदा भेटत नाहीत, पण जेव्हाही भेटतात, तेव्हा उबदारपणा येतो. अजयला पाहून आमिर खूप खुश दिसत होता.

दुसरीकडे, अजय देवगण म्हणाला, मी त्याला फक्त सांगत होतो की इश्कच्या सेटवर आम्ही खूप मजा केली, आम्हाला आणखी एकदा करायला हवा. आमिर खानने अजयशी सहमती दर्शवली आणि म्हणाला, मित्रा, आपण तो केला पाहिजे. आमिर खान, अजय देवगण, जुही चावला आणि काजोल 1997 मध्ये आलेल्या इश्क चित्रपटात मुख्य भूमिकेत होते. हा एक कॉमेडी ड्रामा चित्रपट होता आणि तो हिट ठरला होता. इंद्र कुमार दिग्दर्शित हा त्या वर्षातील तिसरा सर्वाधिक कमाई करणारा चित्रपट होता.