सलमान खानला बाजूला करुन ! अजय देवगण-कार्तिक आर्यनला दिवाळीचा ‘बादशाह’ बनण्यासाठी करावे लागणार हे काम

पण या सगळ्याशिवाय कार्तिक आर्यन आणि अजय देवगण यांच्यासमोर आणखी एक मोठं आव्हान आहे. ते आव्हान म्हणजे दिवाळीच्या मुहूर्तावर सलमान खानच्या ‘टायगर 3’चा विक्रम मोडीत काढण्याचे. म्हणजेच दिवाळी जिंकण्यासाठी अजय आणि कार्तिकला दोन मोठे टप्पे पार करावे लागतील. पहिली पायरी म्हणजे त्यांना पहिल्या दिवशी ‘टायगर 3’ चा विक्रम मोडावा लागणार आहे. दुसरा मैलाचा दगड म्हणजे दिवाळीला रिलीज होणाऱ्या ‘टायगर 3’ च्या कलेक्शनला ‘सिंघम अगेन’ आणि ‘भूल भुलैया 3’ला मागे टाकावे लागेल.

मात्र, हा मार्ग वाटतो तितका सोपा नाही. सलमान खानच्या ‘टायगर 3’चा ट्रेलर रिलीज झाला होता, तेव्हा सगळ्यांना वाटले होते की या पिक्चरमध्ये काहीतरी खास असेल. ‘टायगर’ फ्रँचायझीच्या तिसऱ्या भागाबाबत, असा अंदाज वर्तवला जात होता की तो 500-600 कोटी रुपये सहज कमावेल. पण अजय देवगण आणि कार्तिक आर्यनच्या चित्रपटाचा ट्रेलर पाहिल्यानंतर अद्याप त्यांच्या कमाईचा अंदाज आलेला नाही.

ओपनिंग दिवशी सलमान खानच्या ‘टायगर 3’ ने बॉक्स ऑफिसवर कमाई केली. दिवाळीला प्रदर्शित झालेल्या या चित्रपटाने पहिल्याच दिवशी जगभरात 94 कोटी रुपयांचा गल्ला जमवला होता. भारतात 53.30 कोटी रुपये आणि विदेशात 40.70 कोटी रुपये कमावले होते. अशा परिस्थितीत अजय देवगण आणि कार्तिक आर्यन यांच्यासमोर सर्वात मोठे आव्हान हे सलमान खानचा हा विक्रम आहे. ‘सिंघम अगेन’ आणि ‘भूल भुलैया 3’साठी हा विक्रम मोडणे कठीण जाणार आहे.

‘टायगर 3’ च्या एकूण कलेक्शनबद्दल बोलायचे झाले, तर सलमानच्या पिक्चरने जगभरात 466.63 कोटी रुपयांपेक्षा जास्त कमाई केली होती. म्हणजे अजय आणि कार्तिकच्या चित्रपटांचे एकूण कलेक्शन ‘टायगर 3’ पेक्षा जास्त असेल, तरच त्यांना दिवाळीचे खरे राजे म्हणता येईल. आता फक्त दिवाळीला हे चित्रपट प्रदर्शित होण्याची प्रतीक्षा आहे.