आयपीएल मेगा लिलावापूर्वी राजस्थान रॉयल्सने आणखी एक मोठा डाव खेळला आहे. काही काळापूर्वी फ्रँचायझीने राहुल द्रविडची मुख्य प्रशिक्षक म्हणून नियुक्ती केली होती. आता विक्रम राठोडचा संघात फलंदाजी प्रशिक्षक म्हणून समावेश करण्यात आला आहे. याआधी तो टीम इंडियाच्या बॅटिंग कोचच्या भूमिकेत होता. T20 विश्वचषक 2024 मध्ये भारताच्या विजयात राहुल द्रविड आणि विक्रम राठोड यांनी महत्त्वाची भूमिका बजावली होती. जवळपास 3 महिन्यांनंतर दोघेही पुन्हा एकत्र आले आहेत. यापूर्वी अफगाणिस्तानविरुद्ध न्यूझीलंडनेही विक्रम राठोडला फलंदाजी प्रशिक्षक म्हणून नियुक्त केले होते.
IPL : आयपीएल मेगा लिलावापूर्वी राजस्थान रॉयल्सने खेळला मोठा डाव, राहुल द्रविडनंतर फलंदाजी प्रशिक्षक म्हणून केली विक्रम राठोडची नियुक्ती
राजस्थान रॉयल्समध्ये सामील झाल्यानंतर तो विक्रम राठोड, राहुल द्रविड आणि युवा खेळाडूंसोबत काम करण्यासाठी खूप उत्सुक आहे. राठोड म्हणाला, संघाची दृष्टी आणि ध्येय साध्य करण्यासाठी मी माझे पूर्ण योगदान देईन. रॉयल्स आणि टीम इंडियासाठी अव्वल दर्जाचे खेळाडू तयार करणे हे आमचे उद्दिष्ट आहे, जे चॅम्पियनशिप जिंकू शकतात.
विक्रम राठोड राजस्थान रॉयल्समध्ये दाखल झाल्यानंतर संघाच्या मुख्य प्रशिक्षकांनी आनंद व्यक्त केला. तसेच टीम इंडियाप्रमाणे आयपीएलमध्ये राजस्थान रॉयल्सला यश मिळवून देण्याबाबतही तो बोलला. द्रविडने विक्रमचे तांत्रिक कौशल्य आणि भारतीय परिस्थितीचे सखोल ज्ञान यांचे कौतुक केले. तो म्हणाला की, आम्ही यश मिळवून टीम इंडियाची चांगली ओळख निर्माण केली आहे. आता पुन्हा एकत्र येऊन आम्ही युवा खेळाडूंना तयार करण्यासाठी खूप उत्सुक आहोत.
https://x.com/rajasthanroyals/status/1837013303559630859?ref_src=twsrc%5Etfw%7Ctwcamp%5Etweetembed%7Ctwterm%5E1837013303559630859%7Ctwgr%5E4f534fb2b1335e66fb85628dfca86308c671d5ff%7Ctwcon%5Es1_c10&ref_url=https%3A%2F%2Fwww.tv9hindi.com%2Fsports%2Fcricket-news%2Fvikram-rathour-becomes-rajasthan-royals-batting-coach-after-rahul-dravid-ahead-ipl-mega-auction-2840266.html
विक्रम राठोडने भारतासाठी 6 कसोटी आणि 7 एकदिवसीय सामने खेळले आहेत. याशिवाय तो 2012 मध्ये टीम इंडियाचा सिलेक्टरही होता. तो राष्ट्रीय क्रिकेट अकादमीमधील राहुल द्रविडच्या कोचिंग स्टाफचा एक भाग होता. त्यानंतर 2019 मध्ये बीसीसीआयने त्याला भारताच्या फलंदाजी प्रशिक्षकाची जबाबदारी दिली. पाच वर्षे ही भूमिका बजावल्यानंतर 2024 टी-20 विश्वचषक संपताच त्याने टीम इंडियाचा निरोप घेतला.
आयपीएलच्या पहिल्या सत्रात राजस्थान रॉयल्सने ट्रॉफीवर कब्जा केला होता. त्यानंतर या संघाला एकदाही विजेतेपद मिळवता आलेले नाही. संघ 2022 मध्ये अंतिम फेरीत पोहोचण्यात यशस्वी झाला, परंतु गुजरात टायटन्सकडून पराभव स्वीकारावा लागला. तर गेल्या मोसमात क्वालिफायर 2 मध्ये पराभव पत्करावा लागला होता. आता द्रविड आणि विक्रम राठोडच्या समावेशानंतर राजस्थान रॉयल्स संघाला भारताप्रमाणेच ट्रॉफी जिंकण्याची आशा आहे.