कंगना राणावतचा ‘इमर्जन्सी’ या चित्रपटाच्या प्रदर्शनावरून गेल्या काही दिवसांपासून वाद सुरू आहे. हा चित्रपट यापूर्वी 6 सप्टेंबरला प्रदर्शित होणार होता, मात्र सेन्सॉर बोर्डाकडून प्रमाणपत्र न मिळाल्याने तो पुढे ढकलण्यात आला. खुद्द कंगनाने सोशल मीडिया प्लॅटफॉर्म X वर ही माहिती दिली आहे. कंगनाचा हा चित्रपट 1975 मध्ये देशात झालेल्या राजकीय गदारोळावर आधारित आहे. कंगनाने या चित्रपटात इंदिरा गांधींची भूमिका साकारली आहे.

कंगना राणावत सोशल मीडियावर म्हणाली, “मी जड अंतःकरणाने घोषणा करते की, माझ्या दिग्दर्शनाच्या इमर्जन्सी चित्रपटाची रिलीज डेट पुढे ढकलण्यात आली आहे, आम्ही अजूनही सेन्सॉर बोर्डाच्या पुष्टीकरणाची वाट पाहत आहोत, लवकरच नवीन रिलीजची तारीख जाहीर केली जाईल.”, तुमच्या समज आणि संयमाबद्दल धन्यवाद.

‘इमर्जन्सी’ या चित्रपटाला शीख समाजातील सदस्यांचा मोठा विरोध होत आहे. चित्रपटात शीखांना चुकीच्या पद्धतीने दाखवण्यात आल्याचा दावा समुदायाने केला आहे. त्यांच्या मते चित्रपटात तथ्य चुकीच्या पद्धतीने दाखवण्यात आले आहे. या चित्रपटामुळे तणाव आणि चुकीची माहिती पसरू शकते, असा दावा त्यांनी मध्य प्रदेश उच्च न्यायालयात केला होता. दाखल याचिकेवर मध्य प्रदेश उच्च न्यायालयाने बॉलिवूड अभिनेत्री कंगना राणावत, केंद्र सरकार, सेन्सॉर बोर्ड यांना नोटीस पाठवली होती. नोटिशीला उत्तर देताना, सीबीएफसीने न्यायालयाला सांगितले की त्यांनी अद्याप चित्रपटाला सेन्सॉर प्रमाणपत्र दिलेले नाही आणि चित्रपट अद्याप विचाराधीन आहे. सेन्सॉर बोर्डाने न्यायालयाला सांगितले की, प्रमाणपत्र दिले होते, मात्र नंतर वाढत्या तणावामुळे ते थांबवण्यात आले.

हा चित्रपट 6 सप्टेंबर रोजी प्रदर्शित करण्यासाठी ‘झी स्टुडिओ’ने मुंबई उच्च न्यायालयात याचिका दाखल करून सेन्सॉर प्रमाणपत्राची मागणी केली होती. मात्र, न्यायालयाने 4 सप्टेंबर रोजी कोणताही आदेश देण्यास नकार दिला. न्यायालयाने पुढील सुनावणीसाठी 18 सप्टेंबरची तारीख दिली आहे.