लोकांना कॉमेडी चित्रपट खूप आवडतात, पण त्यासोबत हॉररचा टच असेल तर काय म्हणावे. ‘स्त्री 2’ नेही गेल्या महिन्यात चित्रपटगृहांमध्ये अशीच चव आणली. अमर कौशिक यांच्या दिग्दर्शनाखाली बनलेल्या या चित्रपटाने इतक्या दिवसात बॉक्स ऑफिसवर कब्जा केलेला दिसतो. मात्र, तिसऱ्या वीकेंडच्या बंपर कमाईनंतर ‘स्त्री 2’ला सोमवारी मोठा धक्का बसला. तिसऱ्या वीकेंडमध्ये चित्रपटाने 47 कोटींची कमाई केली होती, तर सोमवारी म्हणजेच 19व्या दिवशी चित्रपटाच्या कमाईत मोठी घट झाली.
Box Office : तिसऱ्या वीकेंडमध्ये बंपर कमाई केल्यानंतर, Stree 2 ला बसला मोठा धक्का, सोमवारी केली फक्त एवढीच कमाई
श्रद्धा कपूर आणि राजकुमार राव स्टारर चित्रपटाने लोकांचे पूर्णपणे मनोरंजन केले आहे. 2018 मध्ये रिलीज झालेल्या ‘स्त्री’चा पहिला भागही लोकांना आवडला होता, पण त्याच्या सिक्वेलसाठी प्रेक्षकांची प्रतिक्रिया खूपच वेगळी आहे. चित्रपटातील संपूर्ण कलाकारांनी चित्रपटातील त्यांच्या पात्रांना नवसंजीवनी दिली आहे. एकीकडे चंदेरीचा ‘सिरकटा’ लोकांना घाबरवण्यात यशस्वी ठरला, तर दुसरीकडे बाकीच्या स्टारकास्टच्या कॉमिक टायमिंगनेही प्रेक्षकांना थिएटरमध्ये हसायला लावले. तिसऱ्या वीकेंडमध्ये कमाईच्या बाबतीत ‘स्त्री 2’ सर्व हिंदी चित्रपटांच्या यादीत अव्वल स्थानावर आहे. मात्र, कामाच्या दिवसांत चित्रपटाच्या कमाईवर मोठा परिणाम झाला आहे.
‘स्त्री 2’ ने तिसऱ्या आठवड्यात प्रवेश केल्यामुळे पहिल्या सोमवारी कमाईत लक्षणीय घट झाली, परंतु असे असले तरी ‘स्त्री 2’ अनेक चित्रपटांच्या 19व्या दिवसाच्या कमाईच्या पुढे आहे. 19व्या दिवशी ‘स्त्री 2’ च्या कमाईबद्दल सांगायचे झाले, तर सॅकनिल्कच्या रिपोर्टनुसार, चित्रपटाने 4.50 कोटींची कमाई केली आहे. 19 व्या दिवशी ‘स्त्री 2’ ने कमाईच्या बाबतीत कोणते चित्रपट मागे टाकले आहेत ते पाहूया.
19व्या दिवशी चित्रपटांची कमाई-
- ‘स्त्री 2’ – रु. 4.50* कोटी
- ‘कल्की 2898 एडी’ – 2.4 कोटी रुपये
- ‘गदर 2’ – 5.1 कोटी रुपये
- ‘टायगर ३’ – 1.97 कोटी रुपये
- ‘दंगल’ – 3.68 कोटी रुपये
- ‘RRR’ – 3 कोटी रुपये
19व्या दिवसाच्या कमाईसह चित्रपटाची आतापर्यंतची एकूण कमाई 486.55 कोटी रुपये झाली आहे. चित्रपटाने पहिल्या आठवड्यात 291.65 कोटी रुपये आणि दुसऱ्या आठवड्यात 141.4 कोटी रुपयांची कमाई केली होती. 18 दिवसांच्या आकडेवारीवर नजर टाकली, तर ‘स्त्री 2’ ने जगभरात 688.25 कोटी रुपये कमावले आहेत. रिपोर्टनुसार, चित्रपटाचे बजेट 50-60 कोटी रुपये आहे. या आठवड्याच्या अखेरीस हा चित्रपट 500 कोटींच्या क्लबमध्ये सामील होण्याची शक्यता आहे.
रिलीज झाल्यापासून या चित्रपटाने कमाईसह अनेक बड्या सेलिब्रिटींच्या चित्रपटांना मागे टाकत नवे विक्रम प्रस्थापित केले आहेत. चित्रपटाच्या शानदार प्रदर्शनानंतर लोक चित्रपटाच्या आगामी भागाची आतुरतेने वाट पाहत आहेत. पंकज त्रिपाठी, अपारशक्ती खुराना, अभिषेक बॅनर्जी यांसारखे दिग्गज कलाकारही या चित्रपटाचा एक भाग आहेत. अक्षय कुमार, तमन्ना भाटिया आणि वरुण धवन यांनी चित्रपटात कॅमिओ केला आहे.