टीम इंडियात पुनरागमन करण्यासाठी इशान किशन सध्या खूप मेहनत घेत आहे. इशान बुची बाबू या स्पर्धेत झारखंडचे नेतृत्व करत आहे. या स्पर्धेतील पहिल्याच सामन्यात इशान किशनने शानदार शतक झळकावले होते, त्यानंतर त्याच्या संघाला दमदार विजय मिळाला. पण दुसऱ्याच सामन्यात इशान किशनने ती चूक केली, ज्यासाठी तो अनेकदा ट्रोल झाला. बुधवारी हैदराबादविरुद्धच्या सामन्यात इशान किशन केवळ 1 धावा काढून बाद झाला आणि त्याच्या आऊट होण्यामागचे कारण म्हणजे अतिशय खराब शॉट.

हैदराबादविरुद्ध इशान किशनने 11 चेंडूत एक धाव घेतली. फ्लॉप होणे ही काही मोठी समस्या नाही, हे प्रत्येक खेळाडूसोबत घडते, पण किशनने ज्या पद्धतीने विकेट गमावली ते आश्चर्यकारक आहे. तनय थियागराजनच्या चेंडूवर इशान किशनने आपली विकेट गमावली. या खेळाडूच्या चेंडूवर ईशानने स्वीप स्लॉग शॉट खेळून प्रतिस्पर्ध्याला आपली विकेट भेट दिली. इथे मोठी गोष्ट म्हणजे इशान किशनने हा शॉट खेळला, जेव्हा त्याच्या टीमने आधीच पाच विकेट गमावल्या होत्या. ईशानसाठी ही स्पर्धा खूप महत्त्वाची आहे. जर त्याने या स्पर्धेत धावा केल्या, तर पुढील महिन्यात बांगलादेशविरुद्धच्या टी-20 मालिकेत तो टीम इंडियात पुनरागमन करू शकतो.

सामन्याबद्दल बोलायचे झाले, तर झारखंडचा संघ मोठ्या अडचणीत सापडला आहे. इशान किशन बाद झाला, तेव्हा संघाची धावसंख्या केवळ 145 धावांवर होती. यानंतर संघाने 171 धावांत 8 विकेट गमावल्या होत्या. झारखंडकडून एकमेव सलामीवीर शरणदीप सिंगने शानदार खेळी केली. या उजव्या हाताच्या फलंदाजाने 151 चेंडूत 78 धावा केल्या.