बंद होणार महिलांना अधिकचा नफा देणारी ही योजना, सरकारने दिले तसे संकेत

2023-24 च्या अर्थसंकल्पात अर्थमंत्र्यांनी सुरू केलेल्या विशेष बचत योजनेचे नाव आहे ‘महिला सन्मान बचत प्रमाणपत्र’ योजना. सरकारने ‘आझादी का अमृत महोत्सव’ अंतर्गत दोन वर्षांसाठी ती सुरू केली होती. अशा परिस्थितीत सरकार मार्च 2025 नंतर ही योजना पुढे नेण्याची शक्यता नाही.

‘महिला सन्मान बचत प्रमाणपत्र’ योजनेत महिलांना इतर अल्पबचत योजनांच्या तुलनेत चांगला परतावा मिळतो. या योजनेवर सरकार 7.5 टक्के आकर्षक व्याज देते. या योजनेचा लाभ फक्त एक महिला किंवा मुलगी घेऊ शकते, ज्यामध्ये 2 लाख रुपयांपर्यंतची रक्कम 2 वर्षांसाठी ठेवली जाते.

सरकारने ही योजना एका वेळेसाठी आणली होती, जी 2 वर्षांसाठी उपलब्ध होती. अशा परिस्थितीत ही योजना फक्त एप्रिल 2023 ते मार्च 2025 पर्यंत वैध आहे. सध्या तरी ती पुढे नेण्याबाबत सरकारकडून कोणतेही संकेत दिलेले नाहीत.

दरम्यान, मनी कंट्रोलने एका सरकारी अधिकाऱ्याच्या हवाल्याने अहवालात म्हटले आहे की, सरकार ही योजना बंद करू शकते. गेल्या काही वर्षांत महिला सन्मान बचत प्रमाणपत्र, सुकन्या समृद्धी योजना आणि ज्येष्ठ नागरिक बचत योजनेला चांगला प्रतिसाद मिळाला आहे. मात्र आता या योजनांमधील गुंतवणूक कमी होत आहे.

2023-24 मध्ये राष्ट्रीय लघु बचत निधीच्या कक्षेत या योजनांच्या संकलनात 20,000 कोटी रुपयांची घट झाली आहे. केवळ ज्येष्ठ नागरिक बचत योजनेला चांगला प्रतिसाद मिळाला असून 1.12 लाख कोटी रुपयांची गुंतवणूक त्यात आली आहे. दरम्यान, सरकारने 2024-25 साठी राष्ट्रीय लघु बचत निधीचे संकलन लक्ष्य 4.67 लाख कोटी रुपयांवरून 4.2 लाख कोटी रुपये केले आहे.