पॅरिस ऑलिम्पिक 2024 मध्ये भारताचे 117 खेळाडू सहभागी होणार आहेत. 26 जुलैपासून या खेळांना सुरुवात होणार आहे. त्याच वेळी, ऑलिम्पिक 2024 मध्ये जगातील 10,000 हून अधिक खेळाडू सहभागी होतील. ऑलिम्पिक इतिहासाबद्दल बोलायचे झाले, तर भारताच्या नावावर आतापर्यंत एकूण 35 पदके आहेत. पदकांच्या बाबतीत भारताची सर्वोत्तम कामगिरी टोकियो 2020 मध्ये होती, जिथे संघाने एका सुवर्णासह एकूण सात पदके जिंकली होती. अशा परिस्थितीत ऑलिम्पिक पदक जिंकणे, हे प्रत्येक भारतीय खेळाडूचे स्वप्न असते. एका भारतीय खेळाडूने सलग दोनदा ऑलिम्पिक पदक जिंकण्याचा पराक्रम केला आहे, मात्र तो सध्या तुरुंगात आहे.

कुस्तीपटू सुशील कुमार हे भारतीय कुस्तीतील मोठे नाव आहे. सलग दोन ऑलिम्पिकमध्ये पदक जिंकणारा पहिला भारतीय होण्याचा मान सुशील कुमारच्या नावावर होता. आपल्या यशाने सुशील देशातील तरुण कुस्तीपटूंसाठी आदर्श ठरला. 2008 बीजिंग ऑलिम्पिकमध्ये कांस्य आणि 2012 लंडन ऑलिम्पिकमध्ये रौप्यपदक जिंकणारा सुशील कुमार आज तुरुंगात आहे. तरुण कुस्तीपटू सागर धनखरच्या हत्येचा आरोप त्याच्यावर आहे. त्यामुळे त्याची क्रीडा कारकीर्द पूर्णपणे उद्ध्वस्त झाली.

कुस्तीपटू सागर धनकरच्या हत्येप्रकरणी ऑलिम्पियन सुशील कुमार तुरुंगात आहे. 4 मे 2021 रोजी दिल्लीतील छत्रसाल स्टेडियममध्ये सागर धनकरची हत्या झाली होती. सुशील कुमारला पोलिसांनी 23 मे रोजी अटक केली होती. त्याने सागरच्या हत्येचा आरोपही स्वीकारला आहे. असे मानले जाते की 2012 च्या ऑलिम्पिकमध्ये रौप्यपदक जिंकल्यानंतर यशाने सुशीलवर मात केली होती आणि जणू तो दुष्टांच्या दलदलीत बुडू लागला होता. खरं तर, भारतातील कुस्ती हा खेळ खेळाडूंना केवळ मॅटवरच नव्हे तर त्याच्या बाहेरही खूप शक्तिशाली बनवतो. सुशील कुमार याचे व्यक्तिमत्त्वही असेच आहे.

कुस्तीपटू सुशील कुमारने आपल्या कारकिर्दीत अनेक मोठ्या स्पर्धा जिंकल्या. 1988 च्या वर्ल्ड कॅडेट गेम्समध्ये त्याने सुवर्णपदक जिंकले. याशिवाय दोनवेळा ऑलिम्पिकमध्येही त्याने देशाला गौरव मिळवून दिले. राष्ट्रकुल स्पर्धेत त्यांनी वर्चस्व गाजवले. 2010, 2014 आणि 2018 च्या कॉमनवेल्थ गेम्समध्ये त्याने सुवर्णपदक जिंकले होते. यानंतर 2010 च्या जागतिक कुस्ती स्पर्धेतही त्याने सुवर्णपदक जिंकले होते. या दमदार कामगिरीसाठी त्यांना अर्जुन पुरस्कार, राजीव गांधी खेलरत्न पुरस्कार आणि पद्मश्रीने सन्मानित करण्यात आले. मात्र आज तो तुरुंगात आयुष्य काढत आहे.