क्रेडीट कार्ड हा अनेक लोकांच्या जीवनाचा एक महत्त्वाचा भाग बनला आहे. आजकाल क्रेडिट कार्डमुळे सर्वसामान्यांचे जीवन सुसह्य झाले आहे. खरेदीसह सर्व व्यवहारांसाठी लोक सहसा क्रेडिट कार्ड वापरतात. आजपासून जुलै महिना सुरू झाला असून, अनेक बँकांच्या क्रेडिट कार्डशी संबंधित नियमांमध्ये बदल झाले आहेत. यामध्ये रिवॉर्ड पॉइंट्सपासून ते कार्ड संबंधित शुल्कापर्यंत सर्व काही समाविष्ट आहे. तुम्हीही क्रेडिट कार्ड वापरत असाल, तर ही बातमी तुमच्यासाठी उपयुक्त ठरू शकते. तुमच्या क्रेडिट कार्डच्या नियमांमध्ये कोणताही बदल झाला आहे की नाही ते जाणून घ्या.

SBI क्रेडिट कार्ड नियमांमध्ये बदल
SBI कार्डने जाहीर केले आहे की आता 1 जुलै 2024 पासून ग्राहकांना कोणत्याही प्रकारच्या सरकारी व्यवहारावर रिवॉर्ड पॉइंट मिळणार नाहीत. तर काही SBI कार्डांवर ही सुविधा 15 जुलै 2024 पासून बंद केली जात आहे.

ICICI बँक क्रेडिट कार्ड नियम
ICICI बँकेने 1 जुलै 2024 पासून क्रेडिट कार्डशी संबंधित नवीन नियम लागू करण्याचा निर्णय घेतला आहे. आता ICICI कार्ड धारकांना कार्ड बदलण्यासाठी 100 रुपयांऐवजी 200 रुपये शुल्क भरावे लागणार आहे. त्यामुळे चेक आणि कॅश पिकअपवरील 100 रुपयांचे शुल्क बंद होणार आहे. त्याचबरोबर चार्ज स्लिप विनंतीवर 100 रुपये आकारणेही बंद करण्यात आले आहे. चेक व्हॅल्यूवर 1% शुल्क म्हणजेच 100 रुपये थांबवण्याचा निर्णयही घेण्यात आला आहे. यासोबतच आता डुप्लिकेट स्टेटमेंटच्या विनंतीवरील 100 रुपये शुल्कही बंद करण्यात आले आहे.

सिटी बँक क्रेडिट कार्ड नियम
Axis बँकेने Citibank क्रेडिट कार्ड वापरणाऱ्या ग्राहकांना 15 जुलै 2024 पर्यंत सर्व स्थलांतर प्रक्रिया पूर्ण करण्यास सांगितले आहे. बँकेने आपल्या ग्राहकांना ईमेलद्वारे माहिती दिली आहे.

HDFC बँक क्रेडिट कार्ड नियम
एचडीएफसी बँकही आपल्या क्रेडिट कार्डचे नियम बदलणार आहे. हा नियम 1 ऑगस्ट 2024 पासून लागू होणार आहे. एचडीएफसी बँक लिमिटेडच्या क्रेडिट कार्ड ग्राहकांना आता CRED, Paytm, Cheq, MobiKwik आणि Freecharge सारख्या प्लॅटफॉर्मचा वापर करण्यासाठी अधिक शुल्क भरावे लागेल.