टीम इंडिया करत आहे बॉलशी छेडछाड? रोहित शर्माने दिले इंझमाम उल हकला चोख प्रत्युत्तर

रोहित शर्माला रिव्हर्स स्विंगच्या आरोपांवर प्रश्न विचारला असता, तो म्हणाला विंडीजमध्ये गरम आहे आणि खेळपट्ट्याही कोरड्या आहेत. इथे रिव्हर्स स्विंग नसेल, तर कुठे होणार? आम्ही इंग्लंड आणि दक्षिण आफ्रिकेत खेळत नाही. रोहित म्हणाला की जर चेंडू रिव्हर्स स्विंग होत असेल, तर ते वेस्ट इंडिजची परिस्थिती आहे, जी प्रत्येक संघासाठी सारखीच असते. इंझमाम उल हकने अर्शदीप सिंगचा रिव्हर्स स्विंग पाहिला होता, जो त्याने ऑस्ट्रेलियाविरुद्ध टाकला होता. त्या सामन्यात अर्शदीपने तीन विकेट घेतल्या होत्या आणि टीम इंडियाने तो सामना जिंकून उपांत्य फेरीत धडक मारली होती.

रोहित शर्माने उपांत्य फेरीपूर्वी सांगितले की, टीम इंडिया नेहमीच दबावाखाली असते आणि प्रत्येक खेळाडूला दबावाची सवय असते. रोहित म्हणाला की संघासाठी शांत आणि संयमी राहणे महत्वाचे आहे आणि शांत राहणे त्यांच्यासाठी काम करत आहे. रोहितला विचारण्यात आले की, तो गयानामध्ये चार फिरकीपटूंना संधी देणार का? यावर रोहित म्हणाला की खेळपट्टी पाहूनच हा निर्णय घेईन.