प्रभासचा बहुप्रतिक्षित चित्रपट कल्की 2898 एडी दिवसांमध्ये मोठ्या पडद्यावर येणार आहे. रिलीज होण्याआधीच या चित्रपटाची जोरदार चर्चा आहे. परदेशातही चित्रपटाची जोरदार आगाऊ बुकिंग होत आहे. दरम्यान, प्रभासच्या मानधनासंदर्भातील एका बातमीने सर्वांनाच आश्चर्याचा धक्का बसला आहे.

123 तेलुगु मधील अहवालात असे म्हटले आहे की प्रभासने कल्की 2898 एडी साठी त्याचे मानधन कमी केले आहे. याआधी वैजयंती मुव्हीजच्या या चित्रपटात काम करण्यासाठी प्रभासने 150 कोटी रुपये मानधन मागितल्याचे सांगितले जात होते. मात्र, आता नव्या अहवालात त्याचे मानधन खूपच कमी असल्याचे सांगण्यात आले आहे. या चित्रपटासाठी प्रभासने केवळ 80 कोटी रुपये घेतले असल्याचे बोलले जात आहे.

कल्कीचे बजेट खूप जास्त असल्याने प्रभासने त्याचे मानधन कमी केल्याचे रिपोर्टमध्ये सांगण्यात आले आहे. चित्रपटाने अपेक्षेप्रमाणे व्यवसाय केला आणि तो ब्लॉकबस्टर ठरला तर निर्माते प्रभासला नफ्यात नक्कीच वाटा देतील. कल्की बनवण्यासाठी निर्मात्यांना जवळपास 600 कोटी रुपये खर्च करावे लागले.

कल्की 2898 एडी वैजयंती मूव्हीज निर्मित आहे. या चित्रपटाचे दिग्दर्शन नाग अश्विन यांनी केले आहे. या चित्रपटात प्रभासशिवाय दीपिका पादुकोण, अमिताभ बच्चन, कमल हासन आणि दिशा पटनी यासारखे स्टार्सही दिसणार आहेत. निर्माते चित्रपटाचे जोरदार प्रमोशन करत आहेत. आतापर्यंत या चित्रपटाचे दोन ट्रेलरही प्रदर्शित झाले आहेत. आणि या ट्रेलरमुळे चाहत्यांमध्ये चित्रपटाबद्दलची उत्सुकता आणखी वाढली आहे.

नाग अश्विनच्या या चित्रपटाकडून निर्मात्यांनाच नाही, तर ट्रेड पंडितांनाही मोठ्या अपेक्षा आहेत. प्रदर्शित होण्यापूर्वीच या चित्रपटाला मिळणाऱ्या प्रतिसादावरून हा चित्रपट भरपूर कमाई करणार असल्याचे स्पष्ट होत आहे. मात्र, प्रदर्शित झाल्यानंतर चित्रपटाला समीक्षकांकडून काय प्रतिसाद मिळतो, याकडे सर्वांच्या नजरा नक्कीच असतील.