CES 2024 : तंत्रज्ञान आहे की ‘जादू’, हवेतच चार्ज होईल तुमचा मोबाईल

यापूर्वी असे क्वचितच कोणी ऐकले असेल, परंतु यावेळी टेक कंपन्यांनी CES 2024 मध्ये चमत्कार केले आहेत. या फ्युचरिस्टिक तंत्रज्ञानाचा तुम्हाला भविष्यात कसा फायदा होऊ शकतो ते आम्ही तुम्हाला सांगतो.

हँडसेट निर्माता Infinix ने CES 2024 मध्ये एक अप्रतिम तंत्रज्ञान सादर केले आहे. कंपनीने एआय एअरचार्ज टेक्नॉलॉजी सादर केली आहे, जर कंपनीने भविष्यात हे तंत्रज्ञान युजर्ससाठी आणले, तर त्याचा तुम्हाला अस फायदा होईल की मोबाईल फोन चार्ज करण्यासाठी तुम्हाला ना केबलची गरज पडणार आहे, ना वायरलेस पॅडची.

हे तंत्रज्ञान मल्टी कॉइल मॅग्नेटिक रेझोनान्स फीचरच्या मदतीने 20 सेमी दूर पडलेल्या फोनला चार्ज करेल. आता हे पाहणे बाकी आहे की, Infinix चे हे तंत्रज्ञान युजर्ससाठी किती दिवसात आणले जाईल.

घराबाहेर गरम अन्न मिळाले, तरी ते केकवर आयसिंग करण्यासारखे होऊ शकते. प्रवासात तुमचे अन्न कसे गरम होऊ शकते याचा तुम्ही कधी विचार केला आहे का? विल्टेक्स नावाच्या जपानी कंपनीने विल्कूक बॅग सादर केली आहे. या बॅगची सर्वात खास गोष्ट म्हणजे या बॅगमध्ये ठेवलेले अन्न केवळ 5 मिनिटांत 80 अंशांपर्यंत गरम होऊ शकते.

ही बॅग चार्ज करावी लागेल, एकदा पूर्ण चार्ज केल्यानंतर ही बॅग तुम्हाला 8 तास सपोर्ट करेल. या पिशवीत अन्न दोन तास गरम राहते. ही बॅग कधी उपलब्ध होणार याबाबत अद्याप माहिती समोर आलेली नाही.