बेंगळुरू – केंद्र सरकारने 27 मे रोजी आधार कार्डच्या वापराबाबत एक नवीन अॅडव्हायझरी जारी केली होती, ज्यात लोकांना त्यांचा संभाव्य गैरवापर रोखण्यासाठी हॉटेल, सिनेमा इत्यादी आस्थापनांना त्यांच्या आधारच्या फोटोकॉपी देऊ नयेत असा सल्ला देण्यात आला होता. आता ही अॅडव्हायजरी जारी करण्यामागचे कारण समोर आले आहे. खरं तर, इंडियन एक्स्प्रेसच्या वृत्तानुसार, 27 मे रोजी बेंगळुरूमधून ऑस्ट्रेलियाला जाणारी एक शिपमेंट बेंगळुरू विमानतळावर जप्त करण्यात आली होती. त्यानंतर हे प्रकरण चेन्नई पोलिसांकडे पाठवण्यात आले, ज्यांनी आंध्र प्रदेशातील एका व्यक्तीला पकडले, जो तस्करीसाठी लोकांच्या आधार कार्डच्या फोटोकॉपीचा वापर फसवणूक करण्यासाठी करत होता.
घटनेनंतर अधिकारी सतर्क
या घटनेनंतर अधिकारी सतर्क झाले आणि बेंगळुरू येथील UIDAI च्या प्रादेशिक कार्यालयाला याची माहिती देण्यात आली. यानंतर कार्यालयाने एक नवीन अॅडव्हायजरी जारी करून म्हटले की, तुमच्या आधारची फोटोकॉपी दुसऱ्या व्यक्तीसोबत शेअर करू नका. मात्र, त्यानंतर केंद्र सरकारने ही अॅडव्हायजरी जारी केली.
जप्त करण्यात आले 90 लाख रुपये किमतीचे 4.4 किलो इफेड्रिन क्रिस्टल्स
कस्टम्स इंटेलिजन्स युनिटने कपड्यांच्या शिपमेंटमध्ये लपवून ठेवलेले 90 लाख रुपये किमतीचे 4.4 किलो इफेड्रिन क्रिस्टल्स जप्त केले आहे. बेंगळुरू विमानतळाच्या इंटरनॅशनल कुरिअर टर्मिनलवर हा माल अडवण्यात आला. आरोपीला 20 मे रोजी अटक करण्यात आली होती.
27 मे रोजी केंद्र सरकारने जारी केली होती ही सूचना
UIDAI ने आपल्या 27 मे च्या अ‍ॅडव्हायझरीमध्ये लोकांना त्यांचे आधार तपशील केवळ प्राधिकरणाकडून वापरकर्ता परवाना असलेल्या संस्थांसोबत शेअर केल्याची खात्री करण्यास सांगितले, परंतु त्यांनी ते कसे सत्यापित करावे हे निर्दिष्ट केले नाही.
29 मे रोजी मागे घेण्यात आली अॅडव्हायजरी
मात्र, सरकारने आधार कार्ड वापराबाबतची नवी अॅडव्हायजरी मागे घेतली होती. यासोबतच त्याला एक सामान्य क्रियाकलाप असल्याचे सांगतानाच आधार क्रमांक समजून घेऊन शेअर करण्यास सांगितले आहे. मंत्रालयाने आश्वासन दिले की आधार ओळख प्रमाणीकरण इकोसिस्टमने आधार धारकाची ओळख आणि गोपनीयतेचे रक्षण आणि संरक्षण करण्यासाठी पुरेशा सुविधा दिल्या आहेत.