नवी दिल्ली- सहारा समुहाने गुंतवणुकदारांचे 20 हजार कोटी रुपये परत न केल्याने सर्वोच्च न्यायालयाने समुहाचे अध्यक्ष सुब्रतो रॉय यांना कोणतीही मालमत्ता विक्रीस आणि परदेशी जाण्यास बंदी घातली. सर्वोच्च न्यायालयाचे न्यायाधीश के. एस. राधाकृष्णन आणि न्या. जे. एस. खेहार यांच्या खंडपीठाने हे आदेश गुरुवारी दिले.

गुंतवणूकदारांचे 20 हजार कोटी रुपये परत देण्यासाठी संपत्तीचे हक्क सेबीला सोपवण्याचे आदेश यापूर्वी न्यायालयाने समुहाला दिले. मात्र, समुहाने संपत्तीचे हक्क दिले नसल्याने सेबीने न्यायालयात धाव घेतली. त्यावर गुरुवारी न्यायालयाने हे निर्देश दिले.