मोबाइलवर शेअर व्यवहार – झेरोधाची सुविधा

बंगलोरस्थित ही कंपनी आता पुणे आणि मुंबईत विस्तार करणार असून येत्या काही महिन्यात दोन्ही शहरात सेवा सुरु करणार आहे अशी माहिती देऊन कामत म्हणाले की बाजारातील ट्रेडरला नेमके काय हवे ते ओळखून सर्वात स्वस्त सेवा आम्ही २ ० १ ० मध्ये सुरु केली आणि अल्पवधीत आमची उलाढाल चार हजार कोटी रुपयावर गेली आहे . सध्या हैद्राबाद, कोची, अहमदाबादसह सहा शहरातील गुंतवणूकदार आमची सेवा घेत आहेत. पुण्यातील ग्राहक संख्या सध्या एक हजार असून ती पाच हजारापर्यंत वाढविली जाणार आहे .

पुण्यात माहिती तंत्रज्ञान क्षेत्रात मोठी कर्मचारी संख्या असल्याने त्याचा फायदा आम्हाला होईल .गेल्या तीन वर्षात शेअर बाजाराची स्थिती निराशाजनक असूनही आम्हाला इतका व्यवसाय मिळला यावरून आमची विश्वासार्हता सिध्द झाली आहे असे नमूद करून ते म्हणाले की १ ५ ० जणांशी आम्ही सहकार्य करार केला आहे . सध्या आमचे ३० हजार ग्राहक असून राष्ट्रीय शेअर बाजारावर सर्वात वेगाने वाढणारी आमची ब्रोकिंग सेवा आहे . विकसित देशात उपलब्ध असलेली अल्गोरिथम आधारित व्यवहार पद्धती आम्ही येथे सुरु केली आहे . विकसित देशांच्या तुलनेत भारतातील सामान्य गुंतवणूकदार सहभाग किमान दहा वर्षे मागे आहे तो वाढण्यासाठी ऑनला इन सुविधा उपयोगी ठरणार आहे. वाढता मध्यमवर्ग आणि सरासरी ४ ० वय असलेले टेक साव्ही लोक हे त्यामागचे कारण आहे. येत्या काही महिन्यात आमही आंतरराष्ट्रीय दर्जाची ट्रेडिंग सुविधा निर्माण करणार आहोत. झेरोधाने गेल्या आर्थिक वर्षात १ २ कोटी रुपये करपूर्व नफा मिळविल्याचे कामत यांनी सांगितले.