पेशावरमधील चर्चबाहेर बॉम्बस्फोट; स्फोटात 40 ठार, 45 जखमी

पेशावरमधील गजबजलेल्या बाजार परीसरात हा चर्च आहे. रविवारी या चर्चमध्ये प्रार्थना असते तसेच येथील बाजारात खरेदीसाठी येणार्‍यांची नेहमीच गर्दी असते. दहशतवाद्यांनी या गजबजलेल्या परीसराला लक्ष्य केले. यावेळी जवळपास 500 जण चर्चमध्ये होते. बॉम्बस्फोटानंतर परीसरात एकच घबराट पसरली आहे. मोहम्मद नूर खान या पोलीस अधिकार्‍याने या घटनेच्या वृत्ताला दुजोरा दिला आहे.

ज्यावेळी पेशावरमधील चर्चमध्ये 500 हून अधिक जण उपस्थित होते. त्यावेळी हा स्फोट घडवण्यात आलाय. चर्चमध्ये दोन स्फोटांचे आवाज आल्याची माहिती प्रत्यक्षदर्शींनी दिलीय. स्फोटाची तिव्रता लक्षात घेता मृतांचा आकडा आणखी वाढण्याची शक्यता वर्तवण्यात येत आहे. पेशावरमधील गजबजलेल्या कैस्सा खवानी बाजारात हा हल्ला झाला. चर्चमध्ये असलेल्या रविवारच्या प्रार्थनेचा मोका साधून दहशतवाद्यांनी ख्रिस्ती बांधवांना लक्ष्य केलं. जवळपास 500 जण यावेळी चर्चमध्ये होते.

बॉम्बस्फोटानंतर तिथं एकच खळबळ उडाली असून जखमींवर वेगानं उपचार होण्यासाठी शहरातील सर्व रुग्णालयांमध्ये इमर्जन्सी जाहीर करण्यात आली आहे.
या घटनेच्या वृत्ताला दुजोरा देताना मोहम्मद नूर खान या पोलीस अधिकार्‍यानं प्रार्थना करून बाहेर पडत असतानाच ख्रिस्ती बंधवांना मानवी बॉम्बनं गाठल्याचं सांगितलं. हल्लेखोराचे तुटलेले पाय चर्चसमोर पडलेले आढळल्याचंही त्यांनी नमूद केलं, तर प्रत्यक्षदर्शींनं चर्चच्या गेटवरच दोन स्फोट झाल्याचं सांगितलं.