वॉशिंग्टन : सिरियावर मर्यादीत प्रमाणात का होईना लष्करी कारवाई करण्याचे अमेरिकेचे राष्ट्राध्यक्ष बराक ओबामा यांनी अखेर जाहीर केले. संयुक्त राष्ट्रांच्या सुरक्षा परिषदेत रशिया अडथळा आणण्याची शक्यता असल्याने अमेरिका संयुक्त राष्ट्रसंघाची परवानगी घेण्याच्या भानगडीत पडणार नाही, असे ओबामांनी स्पष्ट केले.
भूमध्य सागरात अमेरिकेच्या पाच युध्दनौका तैनात करण्यात आल्या आहेत. या युध्दनौकांवरून क्रुझ क्षेपणास्र डागले जाण्याची शक्यता आहे. दरम्यान, सिरीयातील भारतीय नागरिकांनी तत्काळ मायदेशी परतण्याचे अवाहन भारताने केले आहे. संयुक्त राष्ट्रसंघाच्या पाहणी पथक लेबनॉनकडे रवाना झालेले असून हे पथक परिस्थितीची माहिती संयुक्त राष्ट्रसंघाचे सरचिटणीस बान की मून यांच्या कानावर घालणार आहेत. मून हा अस्थायी अहवाल सुरक्षा परिषदेसमोर ठेवणार आहेत. अंतिम अहवाल येईपर्यंत वाट पाहावी असे मूून यांचे म्हणणे आहे. मात्र त्यासाठी दोन आठवडे लागू शकतात.संयुक्त राष्ट्राच्या पथकाचा अहवाल येण्यासाठी दोन आठवडे लागण्याची शक्यता आहे. पथकात 20 जण होते. या पथकाने गोळा केलेले नमुने तपासणीसाठी स्वीडन व फिनलंडला पाठवले जाणार आहेत. लष्करी कारवाई करण्यास रशियाचा विरोध होणार हे गृहीत असल्याने संयुक्त राष्ट्राच्या सुरक्षा परिषदेच्या परवानगीची वाट पाहायची नाही असा निर्णय घेण्यात आला आहे. फ्रान्स,ऑस्टड्ढेलियाने लष्करी कारवाईस पाठिंबा दिला आहे. मात्र ऑस्टड्ढेलियाच्या नागरिकांचा लष्करी कारवाईस विरोध आहे.
